• Gujarati News
  • National
  • Comparing The Finance Minister To A Snake, He Said, "Just As People Die From Poisonous Snake Bites, People Are Dying From Sitarman."

તૃણમુલ નેતાનું વિવાદાસ્પદ નિવેદન:નાણાં પ્રધાનની તુલના સાપ સાથે કરી, કહ્યું- જેમ ઝેરીલી નાગણી કરડવાથી લોકો મરે છે, તેમ સીતારમણને લીધે લોકો મરી રહ્યા છે

નવી દિલ્હી2 વર્ષ પહેલા
TMC નેતા કલ્યાણ બેનર્જીએ શનિવારે પ.બંગાળના બાંકુરામાં કહ્યું-નાણાં પ્રધાને દેશના અર્થતંત્રને બરબાદ કરી નાંખ્યું
  • તૃણમુલ કોંગ્રેસના નેતાએ નાણાં પ્રધાન નિર્મલા સીતારમણને તાત્કાલિક રાજીનામુ આપવાની માંગ કરી
  • ભાજપે વિરોધ નોંધાવ્યો, કહ્યું- તૃણમુલના નેતા તાત્કાલિક માફી માગે

પશ્ચિમ બંગાળમાં તૃણમુલ કોંગ્રેસ (TMC)ના નેતા કલ્યાણ બેનર્જીએ શનિવારે કેન્દ્રીય નાણાં પ્રધાન અંગે એક વિવાદાસ્પદ નિવેદન આપ્યું છે. બેનર્જીએ નાણાં પ્રધાન નિર્મલા સીતારમણની તુલના ઝેરીલા સાપ સાથે કરી હતી. તેમણે કહ્યું કે જેમ કાળી નાગણી (ઝેરીલો સાપ) કરડવાથી લોકો મૃત્યુ પામે છે એવી રીતે નિર્મલા સીતારમણને લીધે લોકોના મોત થઈ રહ્યા છે.

નાણાં પ્રધાનને લીધે દેશ આર્થિક મોરચે નબળો બન્યો
પશ્ચિમ બંગાળના નેતાએ કહ્યું કે નાણાં પ્રધાન નિર્મલા સીતારમણે દેશના અર્થતંત્રને બરબાદ કરી નાખ્યુ છે. તેમણે એમ પણ કહ્યું કે નાણાં પ્રધાનને શરમ આવવી જોઈએ અને તેમણે તાત્કાલિક રાજીનામુ આપી દેવુ જોઈએ. નિર્મલા સીતારમણ દેશના અત્યાર સુધીના સૌથી નબળા નાણાં પ્રધાન છે.

ભાજપે વિરોધ કર્યો
તૃણમુલ કોંગ્રેસના નેતા દ્વારા આપવામાં આવેલા નિવેદનને લઈ ભાજપે વિરોધ નોંધાવ્યો છે. ભાજપના પ્રવક્તા સંબિત પાત્રાએ કહ્યું કે કલ્યાણ બેનર્જીએ તેમના નિવેદન બદલ માફી માંગવી જોઈએ. તેમણે એમ પણ કહ્યું કે કાળી માતાની પૂજા કરનાર લોકોના રાજ્યના એક નેતા પાસેથી આ પ્રકારના નિવેદનની આશા ન હતી. આ નિવેદન જાતિવાદી હોવા ઉપરાંત મહિલાઓ પ્રત્યે નફરત પેદા કરનારું પણ છે.

અન્ય સમાચારો પણ છે...