• Home
  • National
  • Civil Aviation Minister Hardip Singh Puri says If all goes well, international flights will start before August September

ફેસબુક લાઇવમાં સવાલ જવાબ / નાગરિક ઉડ્ડયન મંત્રી હરદીપસિંહ પુરીએ કહ્યું - જો બધુ બરાબર થઈ જશે તો ઓગસ્ટ-સપ્ટેમ્બર પહેલા ઇન્ટરનેશનલ ફ્લાઇટ્સ શરૂ થઈ જશે

પુરીએ કહ્યું કે, ઇન્ટરનેશનલ ફ્લાઇટ્સ શરૂ કરવા માટે એરપોર્ટ ઓથોરિટી અને એરલાઇન્સ કંપનીઓ પૂરી રીતે તૈયાર છે.
X

  • પુરીએ ફેસબુક લાઇવમાં લોકોના પ્રશ્નોના જવાબો આપ્યા, કહ્યું- વંદે ભારત મિશન દ્વારા અત્યાર સુધી 25 હજાર લોકોને વિદેશથી લાવવામાં આવ્યા છે
  • 25 મેથી 33% ઘરેલુ ફ્લાઇટ્સ ફ્લાઇટ શરૂ થશે, પહેલા જ દિવસે તેના માટે સારું બુકીંગ થઈ

દિવ્ય ભાસ્કર

May 23, 2020, 05:58 PM IST

નવી દિલ્હી. નાગરિક ઉડ્ડયન મંત્રી હરદીપસિંહ પુરી શનિવારે તેમના સત્તાવાર ફેસબુક પેજ પર લાઇવ ગયા હતા. આ દરમિયાન તેમણે લોકોના પ્રશ્નોના જવાબો આપ્યા. એક સવાલના જવાબમાં તેમણે કહ્યું કે ઓગસ્ટ-સપ્ટેમ્બર પહેલા અમે આંતરરાષ્ટ્રીય ફ્લાઇટ્સ સેવાઓ શરૂ કરી શકીએ છીએ. જોકે, ફ્લાઇટ શરૂ કરતા પહેલા કોરોનાની પરિસ્થિતિનું મૂલ્યાંકન કરવામાં આવશે. એરપોર્ટ ઓથોરિટી અને એરલાઇન્સ કંપનીઓ શરૂ કરવા માટે તૈયાર છે.

અગાઉ તેમણે જણાવ્યું હતું કે વંદે ભારત મિશન દ્વારા અત્યાર સુધી 25 હજાર 465 ભારતીયોને પરત લાવવામાં આવ્યા છે. મેના અંત સુધીમાં આ આંકડો 50 હજારની નજીક થઈ જશે. લોકડાઉન હેઠળ 8 હજાર લોકોને ભારતથી વિદેશ લઈ જવામાં આવ્યા હતા. આ લોકો વિદેશમાં નોકરી કરતા હતા. તેમની પ્રોફેશનલ માંગ હતી. આના કરતાં વધારે લોકો વિદેશ જવા ઇચ્છતા હતા, પરંતુ એવા ઘણા દેશો છે જે હાલમાં પોતાના જ નાગરિકો લઈ રહ્યા છે.

33% ફ્લાઇટ્સ 25 મેથી શરૂ થશે, સારું બુકિંગ થયું
પુરીએ અહેવાલ આપ્યો કે 33% સ્થાનિક ફ્લાઇટ્સ 25 મેથી શરૂ થઈ રહી છે. હમણાં જ આવેલા આંકડા અનુસાર, બુકિંગના પહેલા જ દિવસે ઘણા લોકોએ ટિકિટ લીધી છે. ફ્લાઇટ સર્વિસની ભારે માંગ છે. પુરીએ કહ્યું કે મંત્રાલયે લોકડાઉન વચ્ચે એક લાઈફ લાઇન ફ્લાઇટ શરૂ કરી હતી. આના માધ્યમથી, દેશભરમાં એક હજાર ટન તબીબી ઉપકરણો અને અન્ય આવશ્યક સેવાઓ પૂરી પાડવામાં આવી હતી.

20 મેના રોજ ઘરેલું ઉડાન શરૂ કરવાની ઘોષણા કરી હતી
હરદીપસિંહ પુરીએ 20 મેના રોજ ટ્વીટ કર્યું હતું કે 25 મેથી ઘરેલું ફ્લાઇટ્સ શરૂ થશે. આ માટે વિગતવાર માર્ગદર્શિકા પણ 21 મેના રોજ બહાર પાડવામાં આવી હતી. આ માટે 8 એરલાઇન્સને મંજૂરી આપવામાં આવી છે. શુક્રવારથી, ઘણી કંપનીઓએ ઓનલાઇન એર ટિકિટ બુક કરવાની પ્રક્રિયા શરૂ કરી દીધી છે.

Next Stories

    ની  સંપૂર્ણ વાંચનસામગ્રી