પંજાબ:કૉંગ્રેસ નેતા ગુરલાલસિંહ ભુલ્લરની હત્યાના CCTV સામે આવ્યાં, ધડાધડ 11 ગોળી ધરબી ઢાળી દીધા

પંજાબના ફરીદકોટમાં યુવા કોંગ્રેસ નેતા ગુરલાલ પહેલવાનની હત્યા મામલે દિલ્હી પોલીસે ત્રણ આરોપીની ધરપકડ કરી છે. આ કુખ્યાત ગેંગસ્ટર લોરેન્સ બિશ્નોઈ ગેંગ સાથે જોડાયેલાં હોવાનું કહેવામાં આવી રહ્યું છે. પ્રાથમિક તપાસમાં સામે આવ્યું છે કે, લોરેન્સ બિશ્નોઈએ લગભગ ત્રણ મહિના પહેલાં ચંદીગઢમાં તેના એક સાથીની થયેલી હત્યાના બદલો લેવા માટ ગુરલાલ પહેલવાનનું મર્ડર કર્યું છે. મહત્ત્વનું છે કે, આ મર્ડરની ઘટના CCTV કૅમેરામાં કેદ થઈ ગઈ હતી. અને આ મર્ડરની જવાબદારી રાજસ્થાનના અજમેરની જેલમાં બંધ લોરેન્સ બિશ્નોઈ ગેંગ દ્વારા લેવામાં આવી હતી.