• Gujarati News
  • National
  • Camels Decorated For Camel Festival, Girl Said Enjoyed Eating Millet Roti And Jaggery

જાપાનની યુવતીનો રાધા-કૃષ્ણનો પ્રેમ, ઊંટ પર કોતરી કળા:કેમલ ફેસ્ટિવલ માટે શણગારવામાં આવ્યું ઊંટ, યુવતીએ કહ્યું- બાજરીનો રોટલો અને ગોળ ખાવાની મજા પડી ગઈ

બિકાનેર22 દિવસ પહેલા
  • જાપાનની યુવતી અહીંની સંસ્કૃતિનાં રંગોમાં એવી રંગાઈ ગઈ છે કે જાણે તે વર્ષોથી અહીં જ રહેતી હોય

અનુરાગ હર્ષ
રાજસ્થાનના બિકાનેર પાસે નાલ ગામ આવેલું છે. હાલના દિવસોમાં અહીં એક જાપાની યુવતીને જોઈને લોકો આશ્ચર્યચકિત થઈ રહ્યા છે. છેલ્લા એક મહિનાથી ટોકિયો (જાપાન)ની આ યુવતી દિવસભર ગામમાં ઊંટોની વચ્ચે રહે છે. રાધા-કૃષ્ણ પ્રત્યે એટલો બધો પ્રેમ છે કે કેમલ ફેસ્ટિવલ માટે પોતાના ઊંટને સજાવતી વખતે તેણે પોતાની કળાને કોતરેલી છે.

એક મહિનાથી આ ગામમાં રહેતા મેગુમી ઉર્ફે મેગી (28) રાજસ્થાની ફૂડની મજા માણી રહી છે. તેને બાજરીના રોટલા અને ગોળ સાથે જમવાનું ખૂબ પસંદ પડી રહ્યું છે. અહીંની સંસ્કૃતિના રંગોમાં એવી રંગાઈ ગઈ છે કે જાણે તે વર્ષોથી અહીં જ રહેતી હોય. ભાસ્કરે મેગુમી સાથે તેના આ જુસ્સા વિશે પણ વાત કરી હતી તેમજ કેમલ ફેસ્ટિવલની ખાસ તૈયારી શું છે એ પણ જાણી હતી.

મેગુમી બિકાનેર એરફોર્સ સ્ટેશન પાસે રહે છે. તે પોતાના સાથીઓ સાથે ઊંટના 'હેર કટ' કરી રહી છે. આ કોઈ સામાન્ય હેર કટ નથી. ઊંટના શરીર પર વાળ કાપીને વિવિધ પ્રકારની કળા કંડારવામાં આવે છે. આ કળા ખાસ છે, કારણ કે મેગુમી ઊંટ પર ભારતીય પરંપરાઓ સાથે સંબંધિત ચિત્રો બનાવે છે.

મેગુમીએ ઊંટની ગરદન પર કૃષ્ણ અને રાધાના પ્રેમની આર્ટ બનાવી છે.
મેગુમીએ ઊંટની ગરદન પર કૃષ્ણ અને રાધાના પ્રેમની આર્ટ બનાવી છે.

મેગુમીએ જણાવ્યું હતું કે તે કૃષ્ણ અને રાધાના પ્રેમથી ખૂબ જ પ્રેરિત છે. આ જ કારણ છે કે આ વખતે તેણે આ થીમ પર ઊંટ સજાવ્યું છે. કેટલાક ભાગોમાં રાજસ્થાની પોશાક પહેરેલી મહિલાઓ છે. આ સાથે 'પધારો મારા બિકાના' પણ લખવામાં આવ્યું છે. આ શોખ પૂરો કરવા માટે મગુમી ઊંટમાલિકને રોજના 500 રૂપિયા આપે છે. 13 જાન્યુઆરીથી યોજાનારા વર્લ્ડ ફેમસ કેમલ ફેસ્ટિવલમાં હવે માગુમીના શણગારેલા ઊંટ દેશી અને વિદેશી પર્યટકોને આકર્ષિત કરતા જોવા મળશે.

મેગુમીએ ઊંટને બિકાનેર કેમલ ફેસ્ટિવલ માટે તૈયાર કર્યું છે.
મેગુમીએ ઊંટને બિકાનેર કેમલ ફેસ્ટિવલ માટે તૈયાર કર્યું છે.
મેગુમી ખેતરમાં પાકની સીંગો તોડી રહી છે. ભાસ્કર સાથેની વાતચીતમાં તેણે જણાવ્યું હતું કે તેને રાજસ્થાની પરંપરાગત ભોજન ખૂબ જ પસંદ છે.
મેગુમી ખેતરમાં પાકની સીંગો તોડી રહી છે. ભાસ્કર સાથેની વાતચીતમાં તેણે જણાવ્યું હતું કે તેને રાજસ્થાની પરંપરાગત ભોજન ખૂબ જ પસંદ છે.

10 વર્ષથી ભારતની મુલાકાતે આવે છે
મેગુમી લગભગ દસ વર્ષ પહેલાંથી ભારતની મુલાકાતે આવી હતી. બિકાનેરની આ સફર દરમિયાન મેં કેમલ ફેસ્ટિવલ જોયો. ઊંટ અને તેમની બોડી આર્ટ પહેલીવાર જોઈને મેગુમી એટલી રોમાંચિત થઈ હતી કે આ પછી બધા કેમલ ફેસ્ટિવલ જોવા આવવા લાગી. કોરોનાને કારણે ત્રણ વર્ષ સુધી ન તો કેમલ ફેસ્ટિવલ થયો કે ન તો મેગુમી ઈન્ડિયા આવી શકી, પરંતુ આ વખતે તેને કેમલ ફેસ્ટિવલની જાણ થતાં જ તે ફરીથી બિકાનેર પહોંચી ગઈ છે.

જાપાનની રહેવાસી મેગુમીએ ઊંટ પર રાજસ્થાની સંસ્કૃતિની કળા બનાવી છે.
જાપાનની રહેવાસી મેગુમીએ ઊંટ પર રાજસ્થાની સંસ્કૃતિની કળા બનાવી છે.

આ અનોખી કળા જાતે જ શીખી
મેગુમી કહે છે, તેને કલાનો શોખ છે. જ્યારે મેં ઊંટોના શરીર પર વાળ કાપવાની કળા જોઈ ત્યારે મેં પણ એવું જ કરવાનું નક્કી કર્યું. સામાન્ય રીતે કેમલ ફેસ્ટિવલમાંથી કંઈક આગલા દિવસે આવેલી મેગુમી આ વખતે એક મહિના વહેલા આવી હતી. તેણે તેના મિત્ર સંજય ઈણખિયાને બોલાવીને ઊંટની વ્યવસ્થા કરવા કહ્યું. નાલ ગામમાં સંજયે તેના માટે ઊંટની વ્યવસ્થા કરી. હવે મેગુમી અને તેના બે સાથીઓ અહીં રહે છે. મેગુમી આખો દિવસ ઊંટને ક્લિપ કરીને વિવિધ પ્રકારની કળા બનાવવામાં પસાર કરે છે. બે લોકો મેગુમીની કળાની વીડિયોગ્રાફી કરે છે. ખાસ વાત એ છે કે મેગુમીને આ કળા કોઈએ શીખવી નથી, પરંતુ તે અન્ય કલાકારોને જોઈને જ શીખી છે. હવે તે આ કળામાં નિપુણ બની ગઈ છે.

મેગુમી ગામની મહિલાઓ સાથે રહીને રાજસ્થાની સંસ્કૃતિ પણ શીખી રહી છે.
મેગુમી ગામની મહિલાઓ સાથે રહીને રાજસ્થાની સંસ્કૃતિ પણ શીખી રહી છે.

ચાર દિવસ પહેલાં તૈયાર છે ઊંટ કરી લીધા
કેમલ ફેસ્ટિવલ 13મી જાન્યુઆરીથી શરૂ થાય છે, પરંતુ મેગુમીએ ચાર દિવસ અગાઉથી ઊંટ તૈયાર કરી લીધા છે. તે એક રાજસ્થાની છોકરીને ઊંટની એક બાજુએ ડાન્સ કરતા બતાવ્યું છે. બીજી બાજુ કૃષ્ણ અને રાધા બતાવવામાં આવ્યાં છે. ઊંટના ખૂંધ પર રાજસ્થાની લોકકલા પણ કોતરેલી છે. એટલું જ નહીં, એક પગ પર 'કેમલ ફેસ્ટિવલ' લખેલું છે. બીજી બાજુ, 'મારો પ્યારો બિકાણો' પણ લખેલું છે.

ઊંટને તૈયાર કરવા મેગુમી એક મહિનાથી ગામમાં જ રહે છે.
ઊંટને તૈયાર કરવા મેગુમી એક મહિનાથી ગામમાં જ રહે છે.

રાજસ્થાની ફૂડની દિવાની બની ગઈ
મેગુમી બિકાનેરમાં ઊંટ ઉત્સવ સાથે રાજસ્થાની ફૂડની પણ દિવાની બની ગઈ છે. તે કહે છે કે બાજરીનો રોટલો, સરસોંનું શાક અને ગોળ તેનું ફેવરિટ ફુડ બની ગયું છે. તેને ગોળગપ્પા પણ ખુબ ગમે છે. છેલ્લા એક મહિનાથી નાલ ગામમાં રહેતી તે માત્ર ગ્રામ્ય ખોરાક જ ખાય છે.

અન્ય સમાચારો પણ છે...