ઈન્દોર:ભાજપ નેતાના દીકરાએ દારૂના નશામાં બેફામ ડ્રાઈવિંગ કર્યું, સંખ્યાબંધ વાહનો, લોકોને અડફેટે લીધા

મધ્યપ્રદેશના ઇન્દોરમાં ભાજપના નેતા ફિરદોસ પટેલના દીકરાએ અડધી રાતે આખું શહેર માથે લીધું હતું. દારૂના નશામાં કાર લઈને નીકળેલા ફૈઝાને બેફામ ડ્રાઈવિંગ કરી સંખ્યાબંધ વાહનો અને લોકોને અડફેટે લીધા હતા. આ સમગ્ર ઘટના CCTV કૅમેરામાં કેદ થઈ ગઈ હતી. CCTV કૅમેરામાં સ્પષ્ટ જોઈ શકાય છે કે, નેતાજીનો ફૈઝાન નામનો દીકરો પૂરપાટ ઝડપે કાર હંકારી રહ્યો છે અને રસ્તામાં આવતાં વાહનોને અડફેટે લઈ રહ્યો છે. નેતાજીના દીકરાને પકડવા અલગ-અલગ વાહનો પર 25થી વધુ લોકો તેનો પીછો કરી રહ્યા છે. પોલીસે પણ લગભગ દસ કિમી સુધી તેનો પીછો કર્યો પરંતુ ફેઝાન ભાગવામાં સફળ રહ્યો હતો.