તેલંગણા:બેકાબૂ ટ્રક લોકો પર ચઢાવી દીધી, એક જ સ્થળે બે અકસ્માતમાં 5નાં મોત

વીડિયો ડેસ્કઃ તેલંગણાના સિદ્દીપેટમાં એક જ જગ્યાએ બે અકસ્માત થયા છે, જેમાં 5 લોકોનાં મોત થયા છે, જ્યારે 10થી વધુ લોકો ઈજાગ્રસ્ત થયા છે. હૈદરાબાદ તરફ જતી કાર ડિવાઈડર સાથે અથડાઈને પલટી જતાં ત્રણ લોકોનાં ઘટનાસ્થળે જ મોત થયા હતા. આ અકસ્માત બાદ સ્થાનિકો અને પોલીસ લોકોને રેસ્ક્યૂ કરી રહ્યા હતા. આ સમયે જ હૈદરાબાદ તરફ જતી બેકાબૂ ટ્રક રેસ્ક્યૂ કરી રહેલા લોકો પર ચઢી ગઈ હતી. ટ્રક લોકો પર ચઢી જતાં 2 લોકોનાં મોત થયા છે અને 10 લોકો ઈજાગ્રસ્ત થયાં છે.