દિલ્હી અકસ્માતના બનાવમાં યુવતી પર બળાત્કાર થયો નથી:શરીરમાં ઘણી જગ્યાએ ગંભીર ઈજા; બહેનપણીનું નિવેદન- કાર ચાલકોની ભૂલ હતી

એક મહિનો પહેલા
આ વીડિયો સોશિયલ મીડિયામાં વાઇરલ થઈ રહ્યો છે, જેમાં યુવતી સાથે તેની બહેનપણી જોવા મળે છે.

કંઝાવાલા હિટ એન્ડ રન કેસમાં દિલ્હી પોલીસે નવો ઘટસ્ફોટ કર્યો છે. તપાસમાં જાણવા મળ્યું કે મૃતક યુવતી સાથે સ્કૂટી પર તેની બહેનપણી પણ હતી. ટક્કર પછી યુવતી કાર નીચે ફસાઈ ગઈ અને તેને 12KM સુધી ઢસડવામાં આવી. અકસ્માત બાદ સ્કૂટી પર બેઠેલી બીજી યુવતી ઘટનાસ્થળેથી ફરાર થઈ ગઈ હતી. તેને પણ નાની-મોટી ઈજાઓ થઈ છે. પોલીસ આજે તેનું નિવેદન નોંધ્યું હતું

દિલ્હીના કંઝાવાલા હિટ એન્ડ રન કેસમાં બાળકીના માથા-કરોડરજ્જુ અને નીચેના ભાગમાં ગંભીર ઈજાઓ થવાથી તેનું મોત નિપજ્યું છે. પોસ્ટમોર્ટમ રિપોર્ટમાં પણ બળાત્કાર થયો નથી એવી પુષ્ટિ થઈ છે. બીજી તરફ મૃતકની બહેનપણીએ પોલીસને આપેલા નિવેદનમાં કહ્યું કે, કાર ચાલકોની ભૂલના કારણે અકસ્માત થયો.

પોલીસ સૂત્રોના જણાવ્યા અનુસાર, મૃતકની ફ્રેન્ડે જણાવ્યું કે જ્યારે કાર ટકરાઈ ત્યારે તે ડરી ગઈ હતી જેના કારણે તેણે કોઈને કંઈ કહ્યું ન હતું. અકસ્માત એ કાર ચાલકોની ભૂલ હતી. જ્યારે ટક્કર થઈ ત્યારે મારી ફ્રેન્ડ કારની સાઈડમાં પડી ગઈ અને હું બીજી બાજુ પડી ગઈ. હું નર્વસ હતી, તેથી ત્યાંથી નીકળી ગઈ અને સીધી ઘરે ગઈ. અમે બંને હોટલમાં સાથે હાજર હતા. બીજી તરફ, આરોપીઓએ પોલીસને નિવેદન આપ્યું છે કે સ્કૂટી રોડ પર આડીઅવળી ચાલતી હતી જેના કારણે ટક્કર થઈ હતી. હાલ પોલીસ બંને પક્ષોના નિવેદનો ચકાસી રહી છે.

દિલ્હીના સીપી, સાગર પ્રીત હુડ્ડાએ માત્ર 1 મિનિટ 3 સેકન્ડ માટે પ્રેસ કોન્ફરન્સ કરી હતી. તેમણે વધુ માહિતી આપી ન હતી.
દિલ્હીના સીપી, સાગર પ્રીત હુડ્ડાએ માત્ર 1 મિનિટ 3 સેકન્ડ માટે પ્રેસ કોન્ફરન્સ કરી હતી. તેમણે વધુ માહિતી આપી ન હતી.

પોસ્ટમોર્ટમમાં માથાં અને કરોડરજ્જુના ભાગે ગંભીર ઇજા જોવા મળી
દિલ્હીના સ્પેશિયલ કમિશનર એસપી હુડ્ડાએ જણાવ્યું હતું કે પોસ્ટમોર્ટમમાં યુવતીના માથાં, કરોડરજ્જુ અને ડાબી જાંઘમાં પર ઇજાઓ થતાં અને પુષ્કળ લોહી વહી જવાના કારણે મૃત્યુ થયું હોવાનું બહાર આવ્યું છે. બળાત્કારની પુષ્ટિ થઈ નથી. અગાઉ, પોલીસે ખુલાસો કર્યો હતો કે પીડિતા તેના મિત્ર સાથે સ્કૂટી પર હતી. ટક્કર બાદ મૃતક કારમાં ફસાઈ ગઈ હતી અને તેને 12 કિલોમીટર સુધી ઢસડવામાં આવી હતી. અગાઉ 4 કિમી ઢસડવાનો મામલો સામે આવ્યો હતો. અકસ્માત બાદ સ્કૂટી પર બેઠેલી બીજી યુવતી ઘટનાસ્થળેથી ભાગી ગઈ હતી. તેને પણ નાની-મોટી ઈજાઓ થઈ છે.

બીજી તરફ દિલ્હીના મુખ્યમંત્રી અરવિંદ કેજરીવાલે કહ્યું છે કે મૃતકના પરિવારને 10 લાખ રૂપિયાનું વળતર આપવામાં આવશે અને કેસ લડવા માટે શ્રેષ્ઠ વકીલની નિમણૂક કરવામાં આવશે.

હોટેલના CCTV ચકાસવામાં આવ્યા

દિલ્હીના કંઝાવાલા હિટ એન્ડ રન કેસમાં હવે નવા ઘટસ્ફોટ થઈ રહ્યા છે. તપાસમાં પોલીસને જાણવા મળ્યું છે કે યુવતી તેની બહેનપણી સાથે સ્કૂટી પર હતી. ટક્કર બાદ યુવતી કાર નીચે ફસાઈ ગઈ હતી અને તેને 12 કિલોમીટર સુધી ઢસડવામાં આવી હતી. પહેલાં 4 કિમી ખેંચવાનો મામલો સામે આવી રહ્યો હતો. અકસ્માત બાદ સ્કૂટી પર બેઠેલી બીજી યુવતી ઘટનાસ્થળેથી ફરાર થઈ ગઈ હતી. તેને પણ નાની-મોટી ઈજાઓ થઈ છે. પોલીસ આજે તેનું નિવેદન નોંધશે.

પોલીસે આ ખુલાસો રોહિણી વિસ્તારની એક હોટલની સામે લાગેલા CCTV ફૂટેજના આધારે કર્યો છે. આમાં મૃતક તેની ફ્રેન્ડ સાથે વાતચીત કરતી જોવા મળે છે. આ પછી બંને સ્કૂટી પર નીકળી જાય છે. આ દરમિયાન એ હોટલના કર્મચારીએ જણાવ્યું હતું કે યુવતીની સાથે તેની બહેનપણી પણ હતી. બંનેએ ડોક્યુમેન્ટ આપીને રૂમ બુક કરાવ્યો હતો. કેટલાક છોકરાઓ પણ આવ્યા, તેમણે અલગ રૂમ બુક કરાવ્યો. આ પછી તે યુવકો છોકરીઓના રૂમમાં ગયા અને લગભગ 5 મિનિટ સુધી ત્યાં રહ્યા.

હોટલના સ્ટાફે જણાવ્યું હતું કે રૂમમાંથી ઝઘડાનો અવાજ આવી રહ્યો હતો અને તેઓ એકબીજાને ગાળો આપી રહ્યા હતા. અમારા મેનેજરે બધાને કહ્યું હતું કે ઝઘડો ન કરો. આ પછી બંને યુવતીએ ઝઘડવાનું બંધ કર્યું. યુવતીએ હોટલની બહાર લાંબા સમય સુધી મારપીટ પણ કરી હતી, જે સીસીટીવીમાં કેદ થઈ હતી. આ ફૂટેજ ગત સાંજે પોલીસને આપવામાં આવ્યા હતા.

આ હોટેલમાંથી યુવતી નીકળી હતી
આ હોટેલમાંથી યુવતી નીકળી હતી

31 ડિસેમ્બરે રાત્રે 2 વાગ્યાની આસપાસ 20 વર્ષીય યુવતીને કારમાં સવાર પાંચ યુવકે ટક્કર મારી હતી. અકસ્માત બાદ યુવકો કાર લઈને ફરાર થઈ ગયા. છોકરી કારની નીચે ફસાઈ ગઈ અને ઢસડાતી રહી. પોલીસના જણાવ્યા અનુસાર, તેનું ઘટનાસ્થળે જ મોત થયું હતું. પાંચેય યુવકની ધરપકડ કરવામાં આવી છે. આ તમામનાં બ્લડ સેમ્પલ તપાસ માટે મોકલવામાં આવ્યાં છે, જેથી જાણી શકાય કે તેઓ નશામાં હતા કે નહીં. મૃતકના અંતિમસંસ્કાર મંગળવારે થઈ શકે છે.

આ ઘટના સુલતાનપુરીના કાંઝાવાલા વિસ્તારની છે, જેના CCTV ફૂટેજ સામે આવ્યા છે.
આ ઘટના સુલતાનપુરીના કાંઝાવાલા વિસ્તારની છે, જેના CCTV ફૂટેજ સામે આવ્યા છે.

અત્યારસુધીનાં મોટાં અપડેટ્સ…

  • દિલ્હી પોલીસના સ્પેશિયલ સીપી શાલિની સિંહે ઘટનાસ્થળનું નિરીક્ષણ કર્યું છે. 7 મિનિટ સુધી સ્થળનું નિરીક્ષણ કર્યા બાદ તેણે પોતાનો રિપોર્ટ તૈયાર કર્યો છે.
  • શાલિની સમગ્ર મામલાની તપાસ કરશે અને ગૃહ મંત્રાલયને રિપોર્ટ સોંપશે.
  • આજે સ્કૂટી પર મૃતક યુવતી સાથે બેઠેલી બહેનપણીનું નિવેદન નોંધવામાં આવશે.
  • સોમવારે આરોપીઓને રોહિણી કોર્ટમાં રજૂ કરવામાં આવ્યા હતા. તમામ આરોપીઓ પોલીસ રિમાન્ડ પર છે
  • કોર્ટે પાંચ આરોપી મનોજ મિત્તલ, દીપક ખન્ના, અમિત ખન્ના, ક્રિષ્ના અને મિથુનને ત્રણ દિવસના પોલીસ રિમાન્ડ પર મોકલી દીધા છે.
  • દિલ્હી પોલીસના જણાવ્યા અનુસાર, અકસ્માત સમયે દીપક ખન્ના કાર ચલાવી રહ્યો હતો. તેમાંથી મનોજ મિત્તલ ભાજપનો નેતા હોવાનું કહેવાય છે.
  • પોલીસ આરોપીઓને લઈ જઈને ક્રાઈમ સીન રિક્રિએટ કરશે.
  • દિલ્હી પોલીસના સ્પેશિયલ સીપી ડો. સાગર પી હુડ્ડાએ જણાવ્યું હતું કે મેડિકલ બોર્ડની રચના કરવામાં આવી છે. દિલ્હી પોલીસની અનેક ટીમો પણ તપાસમાં લાગી ગઈ છે. કોર્ટે આરોપીના ત્રણ દિવસના પોલીસ રિમાન્ડ મંજૂર કર્યા છે. - ફોરેન્સિક ટીમે સ્થળ પરથી પુરાવા એકત્ર કર્યા છે.
  • કંઝાવાલા હિટ એન્ડ રન કેસમાં કોર્ટે પાંચ આરોપી મનોજ મિત્તલ, દીપક ખન્ના, અમિત ખન્ના, ક્રિષ્ના અને મિથુનને 3 દિવસના પોલીસ રિમાન્ડ પર મોકલી દીધા છે.

સીસીટીવી ફૂટેજ અને ડિજિટલ પુરાવાના આધારે ટાઇમલાઇન બનાવવામાં આવશે. આ માટે આરોપીઓને ક્રાઈમ સ્પોટ પર લાવવામાં આવશે. પોસ્ટમોર્ટમ રિપોર્ટના આધારે આરોપીઓ સામે વધુ કલમો ઉમેરવામાં આવશે. સાંજે યુવતીના મૃતદેહને મૌલાના આઝાદ મેડિકલ કોલેજ લાવવામાં આવ્યો હતો. અહીં લગભગ દોઢ કલાક સુધી તેમનું પોસ્ટમોર્ટમ થયું.

પાંચેય આરોપી એક જ કારમાં મુસાફરી કરી રહ્યા હતા. પોલીસે કારને પોતાના કબજામાં લીધી છે.
પાંચેય આરોપી એક જ કારમાં મુસાફરી કરી રહ્યા હતા. પોલીસે કારને પોતાના કબજામાં લીધી છે.
કારમાં ફસાઈ જતાં યુવતીની સ્કૂટીનો બુકડો બોલી ગયો હતો
કારમાં ફસાઈ જતાં યુવતીની સ્કૂટીનો બુકડો બોલી ગયો હતો

પોલીસની તપાસ સામે સવાલ
આ મામલે દિલ્હી પોલીસની થિયરી પણ શંકામાં આવી ગઈ છે. પોલીસનું કહેવું છે કે આ એક જીવલેણ અકસ્માત છે, પરંતુ પરિવારજનો તેને હત્યા ગણાવી રહ્યા છે. પીડિતાની માતાનું કહેવું છે કે તેણે ઘણાં કપડાં પહેર્યા હતા, પરંતુ જ્યારે તેનો મૃતદેહ મળ્યો ત્યારે તે સંપૂર્ણ નગ્ન હતી. એકપણ કપડું નહોતું. આ કેવો અકસ્માત છે?
અહીં દિલ્હી પોલીસના પીઆરઓ સુમન આલ્વાએ જણાવ્યું હતું કે કેટલીક ચેનલો આ મામલામાં એફઆઈઆરમાં બળાત્કાર અને હત્યાની કલમો સામેલ કરવાના સમાચાર ચલાવી રહી છે. આ ખોટું છે. પીડિત પરિવારે આ કલમોને પણ તપાસમાં સામેલ કરવાની માગણી કરી હતી. હવે મેડિકલ બોર્ડ મૃતદેહનું ઓટોપ્સી કરશે. રિપોર્ટ આવ્યા બાદ જ આ માગણીઓ પર કાર્યવાહી કરવામાં આવશે.
હવે જાણો કોણ હતી મૃતક યુવતી
મૃતક યુવતી 20 વર્ષની હતી અને અમન વિહારમાં રહેતી હતી. પરિવારમાં માતા, બે ભાઈ અને ચાર બહેનો છે. ઘરમાં તે એકમાત્ર કમાનારી હતી અને ઇવેન્ટ મેનેજમેન્ટ કંપનીમાં કામ કરતી હતી. નવા વર્ષ નિમિત્તે એક કાર્યક્રમમાં કામ અર્થે ઘરેથી નીકળી હતી. એવું કહેવામાં આવ્યું હતું કે તે શનિવાર-રવિવારની રાત્રે એક ફંક્શનમાંથી પરત ફરી રહી હતી. તે સ્કૂટી પર ઘરે જઈ રહી હતી. એ જ સમયે પાંચ આરોપી યુવકો પણ તેમની બલેનો કાર સાથે એ જ રૂટ પર હતા.

અન્ય સમાચારો પણ છે...