ભાજપના ધારાસભ્યની દબંગાઈ, VIDEO:MPમાં RTO સાથે ગાળાગાળી કરીને કહી દીધું, ફાંસીએ ચડાવી દઈશ

13 દિવસ પહેલા

બાલાઘાટના ભાજપી ધારાસભ્ય, પછાત વર્ગ કલ્યાણ આયોગના અધ્યક્ષ અને પૂર્વ મંત્રી ગૌરીશંકર બિસેન પોતાનાં વિવાદાસ્પદ નિવેદનોના કારણે સતત ચર્ચામાં રહે છે, તેમનો RTO સાથે કરેલી દબંગાઈનો વીડિયો વાઇરલ થયો છે. તેમણે બાલાઘાટ આરટીઓ અનિમેષ ગઢપાલે સાથે જાહેરમાં ગાળાગાળી કરી હતી. જેનો વીડિયો પણ સામે આવ્યો છે. આ મામલે પ્રતિક્રિયા આપતાં પૂર્વ સીએમ કમલનાથે પણ કહ્યું કે આ તેમનો સ્વભાવ છે અને આ વર્તન તેમની વિચારસરણી દર્શાવે છે.

પૂર્વ મંત્રી સાથે સંબંધિત આ મામલો જિલ્લાના લાલબારા પોલીસ સ્ટેશનમાં યોજાયેલી બેઠક સાથે સંબંધિત છે. અહીં માર્ગ અકસ્માતમાં એક મહિલાના મોત બાદ પોલીસ સ્ટેશનમાં બેઠક યોજાઈ હતી. જેમાં પૂર્વ મંત્રી બિસેન, લાલબારાના મામલતદાર રામબાબુ દેવાંગન, પોલીસ સ્ટેશનના ઈન્ચાર્જ, આરટીઓ અનિમેષ ગઢપાલે, સ્થાનિક ભાજપના નેતાઓ, ગ્રામજનો અને મૃતકોના સંબંધીઓ સહિત મોટી સંખ્યામાં લોકો પણ હાજર રહ્યા હતા.

RTOને ગાળો આપી રહેલા ભાજપી ધારાસભ્ય બિસેન
RTOને ગાળો આપી રહેલા ભાજપી ધારાસભ્ય બિસેન

ભાજપના કાર્યકરના નિવેદન પર પૂર્વ મંત્રી ગુસ્સે થયા

પોલીસ સ્ટેશનમાં મિટિંગ દરમિયાન બીજેપીના એક કાર્યકર્તાએ કહ્યું કે અહીં વાહનો 100 કિમી પ્રતિ કલાકની ઝડપે દોડે છે. પોલીસવાળા ચલણ નથી બનાવતા, 50-100 રૂપિયા લે છે. તેના પર પૂર્વ મંત્રીએ ભાજપના કાર્યકરને કહ્યું કે તમે પાર્ટીના સભ્ય બનીને આવું કેમ બોલી રહ્યા છો. ત્યારે કાર્યકર્તાએ કહ્યું- હું કોઈથી ડરતો નથી, આ વિસ્તારમાં આ જ ચાલી રહ્યું છે. સ્થળ પર હાજર લોકોએ ભાજપના કાર્યકરને સમજાવ્યું, પરંતુ તે પોતાની વાત પર અડગ રહ્યો. આના પર પૂર્વ મંત્રીનો ગુસ્સો ભડકી ઊઠ્યો. તેમણે સ્થળ પર હાજર અધિકારીઓ અને ગ્રામજનો પ્રત્યે નારાજગી વ્યક્ત કરી.

આરટીઓને કહ્યું - ફાંસી પર ચડાવી દઈશ
પૂર્વ મંત્રીએ ગુસ્સામાં લાલચોળ થઈને કહ્યું- આપ લોગ ભી તેજ ગતિ સે ગાડી ચલાતે હૈં. 60 પ્રતિશત સે જ્યાદા લોગોં કે પાસ લાઇસન્સ નહીં હૈં. આપ લોગ ફાલતૂ કી બાતેં કરતે હો. એક ભી બાઈકવાલા નિયમ સે નહીં ચલાતા. યહાં જાંચ હોતી હૈ, પુલીસવાલે પૈસૈ લે લેતે હૈ. કહાં ગયા આરટીઓ સૂન લે... આજ કે બાદ કોઈ ગાડી જ્યાદા રફતાર મેં ચલી તો તેરે કો $$$$ ફાંસી પર ચઢા દૂંગા.... $$$ખોર.... $@#%& (ગંદી ગાળ). આ સાંભળીને મિટિંગમાં હાજર રહેલા લોકો અવાક થઈ ગયા. થોડીવાર તો બેઠકમાં સન્નાટો છવાઈ ગયો. એ પછી પૂર્વમંત્રીએ કહ્યું કે, હવે ધ્યાન રાખજે. ફરિયાદ ન આવવી જોઈએ.

કાર્યકર્તાએ ફરિયાદ કરી તો ગુસ્સે થઈ ગયા ધારાસભ્ય
કાર્યકર્તાએ ફરિયાદ કરી તો ગુસ્સે થઈ ગયા ધારાસભ્ય

પોંડીનાલા પાસે બસ અથડાઈ હતી

હકીકતમાં, 10 જાન્યુઆરીની સાંજે, બાલાઘાટ-સિઓની હાઇવે 72 પર પોંડીનાલા પાસે એક અકસ્માત થયો હતો, જેમાં બસની ટક્કરથી એક મહિલાનું મોત થયું હતું. મૃતક મીરાંબાઈ ટેમ્ભરે, નવાગાંવના ભૂતપૂર્વ સરપંચની ભાભી હતી. આ અકસ્માત અંગે ગ્રામજનોએ ભારે રોષ વ્યક્ત કર્યો હતો. લોકો આરટીઓ અને અન્ય અધિકારીઓને હટાવવાની માંગ પર અડગ હતા. રાત્રે વિરોધની માહિતી મળતાં ધારાસભ્ય ગૌરીશંકર બિસેન પણ લાલબારા પહોંચ્યા હતા.

લોકોએ પોલીસ સ્ટેશન સામે દેખાવ કર્યા

ધારાસભ્યએ અનેક વખત આરટીઓને ફોન કર્યો હતો, પરંતુ તેઓ પહોંચ્યા ન હતા. બીજા દિવસે એટલે કે 11 જાન્યુઆરીએ મૃતદેહનું પીએમ કરવામાં આવ્યું હતું. આ પછી, સંબંધીઓ અને ગ્રામજનોએ લાશને લાલબારા પોલીસ સ્ટેશનની સામે મૂકીને પ્રદર્શન કર્યું. ગ્રામજનોની માંગણી હતી કે આરટીઓને બોલાવી ઝડપથી દોડતી બસો સામે કાર્યવાહી કરવામાં આવે. તેમજ તમામ બસોની પરમિટ અને અન્ય કાગળો પણ તપાસવા જોઈએ. લાંબા વિરોધ બાદ આરટીઓ ત્યાં પહોંચ્યા હતા. એસોસિયેશન સામે મારો પક્ષ રાખ્યો : આર.ટી.ઓ

આ મામલે આરટીઓ અનિમેષ ગઢપાલેએ જણાવ્યું કે હું વર્ષોથી અહીં પોસ્ટેડ છું. ધારાસભ્ય સાથે મારા સારા સંબંધો છે. નારાજગીના કારણે તેમની વાત બગડી હશે, વીડિયો સામે આવ્યા બાદ એસોસિયેશને આ મામલે મને ખુલાસો પૂછ્યો છે અને મેં તેમની સામે મારો પક્ષ રાખ્યો છે.

પૂર્વ મુખ્યમંત્રી કમલનાથ
પૂર્વ મુખ્યમંત્રી કમલનાથ

આ તેમની વિચારસરણી દર્શાવે છેઃ કમલનાથ

પૂર્વ સીએમ કમલનાથે શનિવારે છિંદવાડામાં પૂર્વ મંત્રી અને અન્ય પછાત વર્ગ કલ્યાણ આયોગના અધ્યક્ષ ગૌરીશંકર બિસેનના નિવેદન પર પ્રતિક્રિયા આપી હતી. કમલનાથે કહ્યું કે આ તેમનો સ્વભાવ રહ્યો છે. તે તેમના વિચારોને પ્રતિબિંબિત કરે છે.

ભાષાની ગરિમાનું ધ્યાન રાખવું જોઈએઃ હિના કાંવરે

જ્યારે ધારાસભ્યનો દુર્વ્યવહારનો વીડિયો સામે આવ્યો ત્યારે કોંગ્રેસના ધારાસભ્ય અને વિધાનસભાના પૂર્વ ડેપ્યુટી સ્પીકર હિના કાંવરેએ નામ લીધા વિના કહ્યું કે, અધિકારી હોય કે કર્મચારી હોય કે અન્ય કોઈ વ્યક્તિ, નેતાઓએ ભાષા પર નિયંત્રણ રાખવું જોઈએ. જો ભૂલ અંગે કોઈ કાર્યવાહી કરવાની હોય તો પણ તેના માટે કાયદાકીય પદ્ધતિઓ છે. અભદ્ર ભાષા કે વર્તન કરવાની જરૂર નથી.

અન્ય સમાચારો પણ છે...