કરૌલીમાં મહાવીરની રથયાત્રા:રાજસ્થાનમાં 2 વર્ષ પછી...રથ પર સવાર થયા ભગવાન મહાવીર, નદીમાં અભિષેક

રાજસ્થાનના કરૌલીમાં દિગંબર જૈન અતિશય ક્ષેત્ર શ્રીમહાવીરજીમાં 2 વર્ષ પછી રવિવારે ખૂબ ધૂમ મચી. અહીં 11 એપ્રિલથી મેળો ચાલી રહ્યો છે. રવિવારે વૈશાખ પ્રતિપદા પર 24મા તીર્થંકર ભગવાન મહાવીરને સોનાના રથ પર ભ્રમણ કરાવાયું અને ગંભીરી નદીમાં અભિષેક કરાવાયો. વર્ષો જૂની પરંપરા નિભાવતા રથના સારથીની ભૂમિકા એસડીએમએ ભજવી.

અતિશય ક્ષેત્ર સમિતિના અધ્યક્ષ રહેલા એન.કે.સેઠી કહે છે કે પહેલા ખડકથી નીકળેથી કોરલની પ્રતિમાનો અભિષેક થતો હતો. 1996થી તેને બંધ કરાયો. પછી નદીના કિનારે ધાતુની પ્રતિમાનો અભિષેક શરૂ થયો. રવિવારે મીણા સમાજ રથ લઈને પહોંચ્યો. ગુર્જર સમાજ રથ લઈને પાછો ફર્યો. બંને સમાજોમાં 1914માં આ નક્કી થયું હતું.

આ છે પરંપરા: ચાંદનપુર ગામમાં એક ગોવાળની ગાયે દૂધ આપવાનું બંધ કર્યું. તેણે રહસ્ય જાણવા ગાય પર નજર રાખી. જાણ થઈ કે તે એક ડુંગર પર પોતાનું દૂધ ઉતારી આવતી હતી. મીણા-ગુર્જર સમાજે ખોદકામ કરાવ્યું તો 11મી સદીની પાષાણ પ્રતિમા નીકળી. કાલાંતરમાં મંદિર બન્યું. મહાવીર જયંતિ પર શોભાયાત્રા શરૂ થઈ.

સૂકાયેલી નદીમાં પાણી નાખ્યું: મંદિરથી ફક્ત 400 મીટર દૂર ગંભીરી નદીમાં ભગવાનના અભિષેક માટે પાંચના ડેમથી પાણી છોડાયું હતું.