હકારાત્મક:દિલ્હીથી બેંગ્લુરુ જઈ રહેલી ઇન્ડિગોની ફ્લાઇટમાં બાળકનો જન્મ, પ્રીમેચ્યોર ડિલિવરી હતી, પરંતુ માતા અને પુત્ર બંને સ્વસ્થ

દિલ્હીથી બેંગ્લુરુ આવી રહેલી ઈન્ડિગોની ફ્લાઈટમાં એક પ્રેગ્નેટ મહિલાએ બાળકને જન્મ આપ્યો. ઈન્ડિગોએ કહ્યું, અમે આ વાતની પુષ્ટિ કરીએ છીએ કે દિલ્હીથી બેંગ્લુરુ જઈ રહેલી અમારી ફ્લાઈટ 6 ઇ 122માં બુધવારે સાંજે 7.40 વાગ્યે બાળકનો જન્મ થયો. બાળક પ્રીમેચ્યોર છે. જોકે માતા અને બાળક બંને સ્વસ્થ છે. ડિલિવરી દરમિયાન ફ્લાઈટ ઓપરેશન સામાન્ય છે. આ પ્લેન સાંજે 7.40 વાગ્યે બેંગ્લુરુ એરપોર્ટ પર લેન્ડ થયું. તમામને અભિનંદન.

ડિલિવરી ક્રૂ-મેમ્બર્સે કરાવી
ડિલિવરી એરલાઇન્સના ટ્રેન્ડ ક્રૂ-મેમ્બર્સે કરાવી. ઈન્ડિગોએ હાલ બાળક અને તેની માતા અંગે વધુ જાણકારી નથી આપી. બેંગ્લુરુ એરપોર્ટ પર ફ્લાઈટ લેન્ડ થયા બાદ ઈન્ડિગોના ક્રૂ-મેમ્બર્સે બાળક અને તેની માતાને અભિનંદન આપ્યાં અને ભેટ પણ આપી. સોશિયલ મીડિયા પર બાળકના જન્મ પછી તેની તસવીરને પોસ્ટ કરવામાં આવી રહી છે.

બાળકને મળી શકે છે આજીવન ફ્રી હવાઈયાત્રાની ભેટ

આ વચ્ચે એવું કહેવામાં આવે છે કે બાળકને ઈન્ડિગો એરલાઇન્સ તરફથી ફ્રી હવાઈયાત્રાની ભેટ મળી શકે છે. સામાન્ય રીતે પ્લેનમાં જન્મ લેનારાં બાળકોને એરલાઇન્સ આ પ્રકારની તક આપે છે. જોકે હજુ સુધી આ અંગે ઈન્ડિગો દ્વારા કોઈ જાહેરાત નથી કરવામાં આવી.