પાણીપતમાં ખૂલી 'મોહબ્બતની દુકાન':હેન્ડલૂમના દુકાનદારે લગાવ્યું બોર્ડ; રાહુલ ગાંધીના ડોયલોગથી પ્રભાવિત છે INLDના સપોર્ટર

'નફરત કે ઈસ બાઝાર મેં મોહબ્બત કી દુકાન ખોલને આયા હૂં' ભારત જોડો યાત્રા દરમિયાન કહેલો રાહુલ ગાંધીનો ડાયલોગ પોપ્યુલર થઈ રહ્યો છે. આનાથી પ્રભાવિત થઈને પાણીપતના એક હેન્ડલૂમ દુકાનદારે પોતાની દુકાનની બહાર રાહુલ ગાંધીના ફોટો સાથે 'મોહબ્બત કી દુકાન' નું બોર્ડ લગાવ્યું છે. એ બાદ દુકાનદાર માત્ર પાણીપતમાં જ નહીં, પરંતુ અન્ય જિલ્લાઓ અને રાજ્યોમાં પણ હેડલાઈન્સ બનાવી રહ્યો છે.

દુકાનદારે કહ્યું- હું કોઈ રાજકીય પક્ષનો નથી

દુકાનદાર મોનુએ જણાવ્યું હતું કે તેની ગોહાણા રોડ પર છેલ્લા ઘણા સમયથી કાપડ અને હેન્ડલૂમ વસ્તુઓની દુકાન છે. તેઓ હંમેશાં ઈન્ડિયન નેશનલ લોકદળ (INLD)ના સમર્થક રહ્યા છે, પરંતુ રાહુલ ગાંધીની ભારત જોડો યાત્રા દરમિયાન રાહુલ ગાંધીએ અલવરમાં આવી વાત કહી, જેનાથી તેઓ ઘણા પ્રભાવિત થયા. રાહુલે પાણીપતમાં પણ આ જ વાતનું પુનરાવર્તન કર્યું હતું. તેણે કહ્યું હતું કે તે નફરતના આ બજારમાં પ્રેમની દુકાન ખોલી રહ્યા છે.

લોકો બોર્ડ જોઈને હસે છે
તેમણે કહ્યું હતું કે દુકાનની બહાર આ બોર્ડ પર આવતી-જતી વ્યક્તિની નજર પડી જાય છે, જેને જોયા પછી તે વ્યક્તિ ચોક્કસ હસી પડે છે. આ પછી તે વ્યક્તિ પણ મારી સામે જોઈને સ્મિત કરે છે. આ સ્મિતનું નામ છે મોહબ્બત કી દુકાન. આ ત્રણ શબ્દનો ઘણો અર્થ છે. બોર્ડ જોઈને વ્યક્તિના ચહેરા પર જે સ્મિત આવે છે એ કદાચ આખા દિવસની દોડધામ પછી લાવી શકાતું નથી.

જે રાહુલને પપ્પુ કહે છે તે પોતે પપ્પુ છે
દેશ અનેક ભાગોમાં વહેંચી નખાયો. રંગ-રૂપ, જ્ઞાતિ-જાતિ, અમીર-ગરીબ, હિંદુ-મુસ્લિમ, નાના-મોટા વગેરેના આધારે ભારતની પ્રજાને એકબીજાની સામે ભીડવવામાં આવી રહી છે. એને કારણે દેશની જનતા સતત હિંસક બની રહી છે.

આ ભેદભાવ દૂર કરવા માટે રાહુલ ગાંધી ભારત જોડો યાત્રા કાઢી રહ્યા છે. જે તેને પપ્પુ કહે છે તે પોતે પપ્પુ છે. રાહુલ ગાંધી હંમેશાં દરેકને જી કહીને સંબોધે છે, જ્યારે સત્તામાં રહેલા લોકો રાહુલને અલગ-અલગ નામથી સંબોધે છે.

મોદી પોતાના મનની વાત કરે છે, ક્યારેય લોકોના મનની વાત સાંભળી નથી
દુકાનદારે કહ્યું, મોદી મનની વાત કરે છે. ક્યારેય લોકોના મનની વાત સાંભળી નથી. લોકો કેટલા ચિંતિત છે, કેવી રીતે લોકો પર અત્યાચાર થઈ રહ્યો છે, જ્યારે રાહુલ ગાંધી રસ્તા પર ઊભા રહીને લોકોની વાત સાંભળી રહ્યા છે. કોઈપણ તેને મળવા ગયા, સમય આપ્યો. તેમની સમસ્યા સાંભળી. આમાં જ લોકોમાં સંબંધનો અહેસાસ થાય છે. શાસક પક્ષમાં કોઈ આવું કરતું નથી.