• Gujarati News
  • National
  • A Fire In A Two storey Building Burned Seven People Alive, With Fire Brigade And Police Rushing To The Scene.

ઈન્દોરમાં આગ:બે માળના બિલ્ડિંગમાં આગ લાગવાથી 7 લોકો ભડથું, 7 ગંભીર રીતે દાઝ્યા; ફાયરબ્રિગેડ-પોલીસ ઘટનાસ્થળે

ઈન્દોર22 દિવસ પહેલા
ઘટનાસ્થળે પહોંચેલા પોલીસકર્મચારીઓ.
  • મૃતકોમાં 6 પુરુષ અને એક મહિલા સામેલ

મધ્યપ્રદેશના ઈન્દોરમાં શુક્રવારે મોડી રાતે બે માળના એક બિલ્ડિંગમાં આગ લાગી હતી, જેમાં 7 લોકોનાં જીવતા સળગી જવાથી મૃત્યુ થયાં છે. મૃતકોમાં 6 પુરુષ અને એક મહિલાનો સમાવેશ થાય છે, જ્યારે 7 લોકો ગંભીર રીતે દાઝી ગયા છે. હાલ ઘાયલોને હોસ્પિટલમાં દાખલ કરાયા છે. ઘટના પછી ફાયરબ્રિગેડ અને પોલીસની ટીમ ઘટનાસ્થળે હાજર છે. પોલીસે મૃતકોનાં મૃતદેહોને હોસ્પિટલમાં મોકલ્યા છે. શોર્ટસક્રિટને કારણે ઈમારતમાં આગી હતી, પછી એ ધીરે-ધીરે વિકરાળ બની છે.

આગ પર કાબૂ મેળવવામાં આવ્યા પછી અંદર ઉપસ્થિત એક યુવક.
આગ પર કાબૂ મેળવવામાં આવ્યા પછી અંદર ઉપસ્થિત એક યુવક.

અચાનક જ આગે વિકરાળ સ્વરૂપ ધારણ કર્યું
ઘટના વિજયનગરના સ્વર્ણબાગ મોહલ્લાની છે. એમ કહેવાઈ રહ્યું છે કે મોડી રાતે અચાનક બિલ્ડિંગમાંથી ધુમાડો નીકળવા લાગ્યો હતો. લોકો ઘટનાને યોગ્ય રીતે સમજે એ પહેલાં જ આગે વિકરાળ સ્વરૂપ ધારણ કર્યું છે. આગ અંગેની માહિતી સ્થાનિકોએ ફાયરબ્રિગેડને આપી હતી. ઘટનાસ્થળે પહોંચેલી ફાયરબ્રિગેડની ગાડીઓએ ભારે મુશ્કેલી પછી આગ પર કાબૂ મેળવ્યો છે. જોકે ત્યાં સુધીમાં ઘણું મોડું થઈ ગયું હતું. બિલ્ડિંગની અંદર રહેલા 7 લોકોનાં ઘટનાસ્થળે જ મૃત્યુ થયાં હતાં.

બચાવ અને રાહત કામગીરીમાં લાગેલી પોલીસ.
બચાવ અને રાહત કામગીરીમાં લાગેલી પોલીસ.

શોર્ટસર્કિટને કારણે આગ લાગી હોવાની શક્યતા
આગની માહિતી મળ્યા પછી ઘટનાસ્થળે પહોંચેલા અધિકારીઓએ આગ લાગવાનાં કારણો અંગે તપાસ શરૂ કરી દીધી છે. પ્રાથમિક તપાસમાં શોર્ટસર્કિટને કારણે આગ લાગી હોવાનું લાગી રહ્યું છે. બીજી તરફ, આગ લાગી હોવાની માહિતી પછી આજુબાજુનાં બિલ્ડિંગને કોઈપણ પ્રકારનું નુકસાન થયું હોવાની માહિતી નથી.

આગ વિકરાળ બનતાં લોકોને બિલ્ડિંગમાંથી બહાર નીકળવાનો સમય મળ્યો નહોતો.
આગ વિકરાળ બનતાં લોકોને બિલ્ડિંગમાંથી બહાર નીકળવાનો સમય મળ્યો નહોતો.
ઈન્દોરના ખજરાના રિંગરોડ ખાતે આવેલી સ્વર્ણ કોલોનીની ઈમારતમાં આગ લાગી હતી.
ઈન્દોરના ખજરાના રિંગરોડ ખાતે આવેલી સ્વર્ણ કોલોનીની ઈમારતમાં આગ લાગી હતી.
બિલ્ડિંગના બહારના ભાગની તસ્વીર, તેની નીચે દવાની એક દુકાન પણ છે.
બિલ્ડિંગના બહારના ભાગની તસ્વીર, તેની નીચે દવાની એક દુકાન પણ છે.
અન્ય સમાચારો પણ છે...