MPમાં રાત્રે કોની પરમિશનથી પ્લેન ઉડાડ્યું?:પ્લેન ક્રેશની તપાસ કરવા DGCAની ટીમ પહોંચી, ઘણી ખામીઓ મળી

એક મહિનો પહેલા

મધ્યપ્રદેશના રીવામાં ટ્રેઇની પ્લેન ક્રેશની તપાસ શરૂ કરી દેવામાં આવી છે. DGCA (ડાયરેક્ટોરેટ જનરલ ઑફ સિવિલ એવિએશન)ની ત્રણ સભ્યોની ટીમ શનિવારે તપાસ શરૂ કરી હતી. ટીમે ફાલ્કન એવિએશન એકેડમીના મેનેજર અને ટ્રેઇની પાઇલટ્સ પાસેથી માહિતી મેળવી હતી. તેમને સવાલો પૂછ્યા હતા. ટીમે પૂછ્યું હતું કે રાત્રે પ્લેન કેમ અને કોની પરવાનગીથી ઉડાડવામાં આવ્યું હતું? ટ્રેનિંગ સેન્ટરના અધિકારીઓ આનો જવાબ આપી શક્યા નહોતા. તપાસ દરમિયાન ઘણી ખામીઓ પણ મળી આવી હતી. ટીમે સ્થળ ઉપર તપાસ પણ કરી હતી.

ગુરુવારે રાત્રે રેવાના ઉમરી ગામમાં ટ્રેઇની એરક્રાફ્ટ ઝાડ સાથે અથડાયું અને મંદિરના ગુંબજ સાથે અથડાયું હતું. આ અકસ્માતમાં પટનાના પાઇલટ વિમલ કુમાર (54)નું મોત થયું હતું, જ્યારે રાજસ્થાનનો વિદ્યાર્થી સોનુ યાદવ (22) ઘાયલ થયો હતો. ફાલ્કન એવિએશન એકેડમીના મેનેજર વત્સલ રસ્તોગીએ ભાસ્કરને જણાવ્યું હતું કે 'DGCA મુંબઈ અને દિલ્હીની 3 સભ્યોની ટીમ 6 જાન્યુઆરીની મોડી સાંજે તપાસ માટે આવી છે. જેમાં એરક્રાફ્ટ ઈન્વેસ્ટિગેશન બ્યુરોના રામા ચંદ્રન અને મુંબઈના વીરા રાઘવનનો સમાવેશ થાય છે. ત્યાં દિલ્હી DGCAના FY કેપ્ટન શ્રીરામ પણ હતા. 7 જાન્યુઆરીએ સવારે 10 વાગ્યે, ટીમ ચોરહાટા હવાઈપટ્ટીને અડીને આવેલા ઉમરી ગામમાં પહોંચી હતી. કેપ્ટન શ્રીરામ પાઇલટ સીટ પાસે પહોંચ્યા હતા. એરક્રાફ્ટનું અલ્ટરનેટર અહીં બંધ જોવા મળ્યું હતું.'

7 જાન્યુઆરીએ દિલ્હી અને મુંબઈથી DGCAની ટીમ તપાસ માટે ઘટનાસ્થળે પહોંચી હતી.
7 જાન્યુઆરીએ દિલ્હી અને મુંબઈથી DGCAની ટીમ તપાસ માટે ઘટનાસ્થળે પહોંચી હતી.

મુંબઈ-દિલ્હી ફોન કરીને પ્રાઇવેટમાં સવાલ-જવાબ થશે
એરક્રાફ્ટ ઇન્વેસ્ટિગેશન બ્યુરોના અધિકારીઓએ ડિરેક્ટોરેટ જનરલ ઑફ સિવિલ એવિએશનને ટ્રેનિંગ સેન્ટર અને એરક્રાફ્ટમાં જોવા મળેલી ખામીઓ વિશે સિનિયર અધિકારીઓને જાણ કરી હતી. એવું જાણવા મળ્યું છે કે ફાલ્કન એવિએશન એકેડમીના લોકો અધિકારીઓના પ્રશ્નોના જવાબ આપી શક્યા નહોતા. હવે કેન્દ્રના અધિકારીઓને મુંબઈ અને દિલ્હી બોલાવીને જવાબ માગવામાં આવશે. આ પછી કાર્યવાહી કરવામાં આવશે.

ટ્રેનિંગ સેન્ટર પર લટકતી તલવાર
DGCAના નિયમો જાણનારાઓએ કહ્યું હતું કે હવામાનને જોતા ઘટનાની રાતે શરૂઆતથી અંત સુધી બેદરકારી દર્શાવવામાં આવી હશે. જ્યારે ચીફ ફ્લાઇંગ ઈન્ચાર્જ (CFI) વિમલ કુમારને તેમના સાથીદારોએ ખરાબ હવામાનને કારણે રાત્રે 9 વાગ્યે જ ના પાડી દીધી હતી, છતાં તેઓ માન્યા નહોતા.

ઉમરી ગામમાં, જ્યાં પ્લેન પડ્યું હતું, ત્યાં આસપાસ બેરિકેડ લગાવવામાં આવ્યા છે, જેથી લોકો છેડછાડ ના કરી શકે. ટીમે અહીં પહોંચીને સેમ્પલ પણ લીધાં હતાં.
ઉમરી ગામમાં, જ્યાં પ્લેન પડ્યું હતું, ત્યાં આસપાસ બેરિકેડ લગાવવામાં આવ્યા છે, જેથી લોકો છેડછાડ ના કરી શકે. ટીમે અહીં પહોંચીને સેમ્પલ પણ લીધાં હતાં.

DGCAએ આ મુદ્દાઓ પર તપાસ શરૂ કરી...

  • બે દિવસ સુધી ધુમ્મસ હતું ત્યારે ટ્રેઇની એરક્રાફ્ટ કેમ ઊડ્યું?
  • કંપનીનું દબાણ હતું કે વિદ્યાર્થીનું?
  • કોના કહેવા પર વિમાન ઉડાડવાની પરવાનગી મળી?
  • દુર્ઘટનાગ્રસ્ત વિમાનનું અલ્ટરનેટર બંધ હતું.
  • ચોરહાટા હવાઈપટ્ટી પાઇલટ ટ્રેનિંગ સેન્ટરની સામે મળી.

રન-વેમાં આ ખામીઓ જોવા મળી...

  • ચોરહાટા હવાઈપટ્ટીની આસપાસ કોઈ વોચ ટાવર નથી.
  • હાઈ માસ્ક લાઇટનો અભાવ.
  • બાઉન્ડ્રી વોલને બદલે ચારે બાજુ તારની વાડ જોવા મળી હતી.
  • વ્યવસ્થા બન્યા પહેલાં જ ટ્રેનિંગ શરૂ થઈ હતી.
  • સિગ્નલ જોવા મળ્યું નહોતું.
દુર્ઘટના બાદ 6 જાન્યુઆરીએ પોલીસ અને પ્રશાસનના વરિષ્ઠ અધિકારીઓ ઘટનાસ્થળે પહોંચી ગયા હતા. તેમણે સ્થળનું બારીકાઈથી નિરીક્ષણ કર્યું હતું.
દુર્ઘટના બાદ 6 જાન્યુઆરીએ પોલીસ અને પ્રશાસનના વરિષ્ઠ અધિકારીઓ ઘટનાસ્થળે પહોંચી ગયા હતા. તેમણે સ્થળનું બારીકાઈથી નિરીક્ષણ કર્યું હતું.

ચોરહાટા હવાઈપટ્ટી એરલિફ્ટની પરવાનગી મળી નથી
તમને જણાવી દઈએ કે ફાલ્કન એવિએશન એકેડમી ઈજાગ્રસ્ત ટ્રેઇની પાઈલટ સોનુ યાદવને એરલિફ્ટ કરવા ઈચ્છતી હતી, પરંતુ પાઇલટ ટ્રેનિંગ સેન્ટરમાં એવી ગૂંચવણભરી ચર્ચા થઈ હતી કે ચોરહાટા હવાઈપટ્ટીને એરલિફ્ટની પરવાનગી મળી નહોતી. અહીં ધુમ્મસના કારણે વિઝિબિલિટી ઓછી હતી. આવી સ્થિતિમાં એવિએશનના અધિકારીઓ બીજું જોખમ ઉઠાવી શકે તેમ નહોતા.

પ્રયાગરાજથી એરલિફ્ટ
ઈજાગ્રસ્ત ટ્રેઇની પાઇલટને પાઇલટ ટ્રેનિંગ સેન્ટરે ખાસ એમ્બ્યુલન્સમાં સાંજે 4 વાગ્યે સંજય ગાંધી સ્મૃતિ હોસ્પિટલથી રોડ માર્ગે પ્રયાગરાજ લઈ ગયા હતા. રાષ્ટ્રીય ધોરીમાર્ગ 30થી તેને સુરક્ષિત રીતે મોકલવાની વ્યવસ્થા કરવામાં આવી હતી. એવો દાવો કરવામાં આવી રહ્યો છે કે પહેલાં વિદ્યાર્થીને દિલ્હી, પછી જયપુર મોકલવામાં આવશે.