તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • National
  • 86.4% Patients Recover In Maharashtra, Govt Preparing 1000 Family Doctors To Fight Third Wave

એકશનમાં ઉદ્ધવ સરકાર:મહારાષ્ટ્રમાં 86.4% દર્દી સાજા થયા, ત્રીજી લહેર સામે લડવા માટે 1000 ફેમિલી ડોકટરોને તૈયાર કરી રહી સરકાર

મુંબઈ4 મહિનો પહેલા
  • કૉપી લિંક
  • ત્રીજી તરંગ બાળકો પર વધુ જોખમી હોવાની શક્યતાએ મહારાષ્ટ્ર સરકારે તૈયારી શરૂ કરી દીધી
  • બાળકો માટેની અલગ હોસ્પિટલો, ICU બેડ અને નવજાત વેન્ટિલેટર રિઝર્વ કરવામાં આવી રહ્યા

મહારાષ્ટ્રમાં છેલ્લા 24 કલાક દરમિયાન 48,401 નવા કેસ નોંધાયા હતા. 60,226 દર્દીઓ સાજા થયા અને 572 લોકો મૃત્યુ પામ્યા. હવે કુલ 6 લાખ 15 હજાર 783 દર્દીઓ સારવાર લઈ રહ્યા છે. રાજ્યમાં આજ સુધીમાં 2.94 કરોડ નમૂનાઓની તપાસ કરવામાં આવી છે. તેમાંથી 44.07 લાખ લોકો પોઝિટિવ મળ્યા છે. રાજ્યમાં સાજા થવાનો દર હવે 86.4% છે, જ્યારે મૃત્યુ દર 1.49% છે.

ફક્ત મુંબઈની વાત કરીએ તો છેલ્લા 24 કલાકમાં અહીં 2,395 નવા કેસ નોંધાયા છે. 13,868 દર્દીઓ સાજા થયા અને 68 લોકો મૃત્યુ પામ્યા. અહીં અત્યાર સુધીમાં 6.76 લાખ લોકો આ મહામારીની ઝપેટમાં આવી ચૂક્યા છે, જ્યારે 13,781 લોકોએ જીવ ગુમાવ્યો છે. હાલમાં અહીં 51,165 દર્દીઓની સારવાર કરવામાં આવી રહી છે.

1 હજાર ફેમિલી ડોકટરોને ટ્રેનીંગ આપી રહી સરકાર
સંક્રમણની બીજી લહેરથી પાઠ ભણતાં મહારાષ્ટ્ર સરકારે ત્રીજી તરંગ સામે લડવાની તૈયારી શરૂ કરી દીધી છે. આ શ્રેણીમાં મુખ્યમંત્રી ઉદ્ધવ ઠાકરેએ રવિવારે રાજ્યના 1 હજાર પ્રાઈવેટ પ્રેકટિશનર ફેમિલી ડોકટરો સાથે વીડિયો કોન્ફરન્સિંગ દ્વારા વાત કરી છે. તેમણે ડોકટરોના પડકારોને સમજ્યાં અને આગામી ખતરા માટે તૈયાર રહેવા માટે જણાવ્યુ છે. CM ઉદ્ધવે આ બેઠકને કોરોના માટે બનેલી ટાસ્કફોર્સની વિનંતી પર કરી હતી.

મુંબઈમાં લોકોને માસ્ક પહેરવા માટે જાગૃત કરવામાં આવી રહ્યા છે. માટે દિવાલો પર પેઇન્ટિંગ્સ બનાવવામાં આવી રહ્યું છે.
મુંબઈમાં લોકોને માસ્ક પહેરવા માટે જાગૃત કરવામાં આવી રહ્યા છે. માટે દિવાલો પર પેઇન્ટિંગ્સ બનાવવામાં આવી રહ્યું છે.

ત્રીજી તરંગથી સૌથી વધુ અસર બાળકો પર થવાની શક્યતા
મુખ્યમંત્રીએ ફેમિલી ડોક્ટરોના સૂચનો સાંભળ્યા. તેમણે તેમના ઘણા સૂચનો અમલમાં મૂકવાની ખાતરી પણ આપી હતી. કોરોનાની ત્રીજી લહેર સામે લડવા માટે રાજ્યના બાળ રોગ ચિકિત્સકોની એક ટીમની રચના કરવામાં આવી રહી છે. નિષ્ણાતોને ડર છે કે આ લહેર નાના બાળકોને પોતાની ઝપેટમાં ઘેરી શકે છે. તેથી, બાળકો માટેની અલગ હોસ્પિટલો, ICU બેડ અને નવજાત વેન્ટિલેટર રિઝર્વ કરવામાં આવી રહ્યા છે.

ટાસ્ક ફોર્સ તરફથી ફેમિલી ડોકટરોને કહેવામા આવ્યું છે કે પોતાની પાસે સારવાર માટે આવતા બાળકો વિશે વધુ જાગૃત રહે. બાળકોમાં થનાર વાયરલ ઇન્ફેકશન, શરદી, તાવ, ઉધરસ અને ઝાડા સિવાય દૂધ ન પીવું અને ખોરાક ન ખાવા જેવા લક્ષણો પર ખાસ ધ્યાન આપવું જોઈએ.

ફેમિલી ડોકટરોનો પડકાર વધી શકે છે
મુખ્યમંત્રીએ કહ્યું, 'કોરોના સામેની લડતમાં ફેમિલી ડોક્ટરોની ભૂમિકા શરૂઆતથી જ મહત્વની રહી છે, પરંતુ હવે આ પડકાર વધી શકે છે. લક્ષણો વગરનાં કેટલાક લોકો ડરી જાય છે અને હોસ્પિટલમાં દાખલ થઈ જાય છે, જેના કારણે જરૂરીયાતમંદ દર્દીઓ બેડ મેળવવા મુશ્કેલ બને છે.'

ફેમિલી ડોકટરોની ભલામણ
ફેમિલી ડોકટરોએ સરકારને સૂચન પણ આપ્યું હતું કે આયુર્વેદિક અને હોમિયોપેથીક ડોકટરો સાથે પણ આવી જ વીડિયો કોન્ફરન્સ યોજવી જોઈએ. તેમને પણ આ લડતમાં સામેલ કરવા જોઈએ.

મુંબઈમાં એક રેલ્વે સ્ટેશન પર પહોંચેલા મુસાફરોની તપાસ કરતા BMCના આરોગ્ય કર્મચારી.
મુંબઈમાં એક રેલ્વે સ્ટેશન પર પહોંચેલા મુસાફરોની તપાસ કરતા BMCના આરોગ્ય કર્મચારી.

ટાસ્ક ફોર્સે આ પોઈન્ટ પર ફેમિલી ડોક્ટરોને માર્ગદર્શન આપ્યું હતું

  • સ્ટેરોઇડ્સ ક્યારે અને કેટલા પ્રમાણમાં આપવું જોઈએ?
  • 6 મિનિટ ચાલવાનું શું મહત્વ છે?
  • દર્દીને ઓક્સિજનની જરૂરિયાત છે તે કેવી રીતે ખબર પડે?
  • ફંગલ ઇન્ફેક્શનને લીધે મ્યુકોર માયકોસિસની સારવાર કેવી રીતે કરવી જોઈએ?
  • રેમડેસિવિર ઇન્જેક્શનનો કેટલું પ્રમાણ આપવું જોઈએ?
  • વેન્ટિલેટર પર શું સાવચેતી રાખવી જોઈએ?
  • કોરોનામાંથી સ્વસ્થ થયા પછી દર્દીઓને નિરીક્ષણ હેઠળ કેટલો સમય રાખવો જોઈએ?