બિહારમાં ફરી લઠ્ઠાકાંડ:6ના મોત, 14થી વધુની હાલત ગંભીર; 6 લોકોએ આંખોની દ્રષ્ટિ ગુમાવી

સીવાન6 દિવસ પહેલા
  • કૉપી લિંક
મીડિયાને રોકવા માટે રવિવારે રાત્રે હોસ્પિટલના ગેટને તાળું મારી દેવામાં આવ્યું હતું. - Divya Bhaskar
મીડિયાને રોકવા માટે રવિવારે રાત્રે હોસ્પિટલના ગેટને તાળું મારી દેવામાં આવ્યું હતું.
  • આ કેસમાં 12 લોકોની ધરપકડ કરવામાં આવી છે.
  • પોલીસ બુટલેગરોની ધરપકડ કરવા માટે દરોડા પાડી રહી છે

દારુબંધીવાળા બિહારમાં ફરી એક વખત લઠ્ઠાકાંડે કહેર મચાવ્યો છે. સીવાન જીલ્લામાં છેલ્લા 24 કલાકમાં ઝેરી દારુ પીવાથી 5 લોકોના મોત થયા છે. એક મોત ગોપાલગંજમાં પણ થયું છે. આમ બિહારમાં ફરી લઠ્ઠાકાંડના કારણે 6 લોકોના મોત થયા છે.

જ્યારે 14થી વધું લોકોની હાલત ગંભીર છે. તેમાં 6 લોકોએ આંખેની દ્રષ્ટિ ગુમાવી છે. એવું પણ જાણવા મળી રહ્યું છે કે મૃતકોની સંખ્યા વધી શકે છે.

લઠ્ઠાકાંડના મોટાભાગના કેસ જિલ્લાના લકડી નવીગંજ ઓપી પોલીસ સ્ટેશન વિસ્તારના બાલા અને ભોપતપુર ગામમાં છે. રવિવારે સાંજે અચાનક એક પછી એક સદર હોસ્પિટલમાં દર્દીઓ આવવા લાગ્યા. મોડી સાંજે હોસ્પિટલ પહોંચતા એક વ્યક્તિનું મોત નીપજ્યું હતું. રાત્રે વધુ બે લોકોના મોત થયા હતા. સોમવારે સવારે વધું 3 લોકોએ જીવ ગુમાવ્યા. સોશિયલ મીડિયા અને ગામના લોકોનું કહેવું છે કે મૃત્યુઆંક 8 થી વધુ છે. 41 દિવસ પહેલા છાપરામાં 70 થી વધુ લોકોના મોત થયા હતા.

ઝેરી દારૂ પીધા બાદ 14 લોકોની હાલત ગંભીર છે. સિવાનમાં 2 લોકોની સારવાર ચાલી રહી છે. બાકીના 12 લોકોને રિફર કરવામાં આવ્યા છે. 3 લોકોને સારવાર માટે ગોરખપુર અને 9 લોકોને પટના લાવવામાં આવ્યા છે.

સિવાનની સદર હોસ્પિટલમાં દર્દીઓને સારવાર આપવામાં આવી રહી છે.
સિવાનની સદર હોસ્પિટલમાં દર્દીઓને સારવાર આપવામાં આવી રહી છે.

તંત્રએ કંઈપણ કહેવાનો ઈન્કાર કર્યો હતો સ્થાનિક લોકોએ ઝેરી દારૂ પીધો હોવાની વાત જણાવી છે. તંત્રએ હજુ કંઈપણ કહેવાનો ઈન્કાર કર્યો છે. પરિવારને મીડિયા સાથે વાત કરવા પર પ્રતિબંધ લગાવી દીધો છે. આખા ગામમાં અફરા-તફરીનો માહોલ છે.

સિવાનના ડીએમ અમિત કુમાર પાંડેનું કહેવું છે કે અત્યારે કંઈ કહી શકાય તેમ નથી. પોસ્ટમોર્ટમ રિપોર્ટ આવ્યા બાદ જ કંઈ કહી શકાશે. છેવટે આટલા લોકોમા મોત શા માટે થઈ રહ્યા છે અને તેમની તબિયત કેમ ખરાબ છે, તે તપાસનો વિષય છે. ઘટના બાદ સિવાન સદર હોસ્પિટલ અને બાલા અને ભોતપુર ગામમાં પોલીસ બંદોબસ્ત ગોઠવી દેવામાં આવ્યો છે. મૃતકના સંબંધીઓ સાથે વાત કરવા પર પ્રતિબંધ મુકવામાં આવ્યો છે. સંબંધીઓ કંઈ પણ કહેવાનું ટાળી રહ્યા છે.

અહીં, પોલીસના જણાવ્યા મુજબ આ કેસમાં 12 લોકોની ધરપકડ કરવામાં આવી છે. પોલીસ બુટલેગરોની તપાસ કરી રહી છે અને તેમની ધરપકડ કરવા માટે દરોડા પાડી રહી છે. હેડક્વાર્ટર હોસ્પિટલમાં દાખલ લોકોની સારવાર પર પણ ધ્યાન આપી રહ્યું છે.

પત્નીએ કહ્યું- દારૂ પીને આવ્યા, આંખોની દ્રષ્ટિ ગુમાવી અને મોત થયું
સોહેલા દેવીએ જણાવ્યું કે પતિ ધુરેધર માંઝી રવિવારે રાત્રે દારૂ પીને ઘરે પરત ફર્યા હતા. આ દરમિયાન તેમની તબિયત બગડવા લાગી. આંખો લાલ થવા લાગી. તેમને આંખેથી જોવામાં તકલીફ થઈ રહી હતી. તેમને સારવાર માટે વુડ નબીગંજ હોસ્પિટલમાં લઈ જવામાં આવ્યા હતા. ત્યાંથી તેને સિવાન હોસ્પિટલમાં મોકલવામાં આવ્યા. જે બાદ મોડી રાત્રે લગભગ 12 વાગે પટના લઈ જવામાં આવી રહ્યા હતા તે દરમિયાન અમનૌરમાં તેમનું મોત થયું. ધુરેધરને ત્રણ નાના-નાના બાળકો છે.

ઝેરી દારૂ પીવાથી મૃત્યુ પામનાર

  • સુરેન્દ્ર રાવત (30)
  • નરેશ રાવત (42)
  • ઘુરેધર માંઝી (37)
  • જનકદેવ રાવત (30)
  • રાજેશ રાવત (25)
  • નારાયણ શાહ(55), જિલ્લો-ગોપાલગંજ
છપરામાં લઠ્ઠાકાંડની ઘટના બાદ સદર હોસ્પિટલમાં પણ આવી જ સ્થિતિ જોવા મળી હતી.
છપરામાં લઠ્ઠાકાંડની ઘટના બાદ સદર હોસ્પિટલમાં પણ આવી જ સ્થિતિ જોવા મળી હતી.

છપરામાં 70થી વધું લોકોના મોત થયા હતા
41 દિવસ પહેલા 14 થી 18 ડિસેમ્બર વચ્ચે છપરા જિલ્લામાં પણ ઝેરી દારું પીવાથી 70 લોકોના મોત થયા હતા. મોત થવા પાછળનું કારણ સારવારમાં વિલંબ થયો હોવાનું પણ માવનામાં આવી રહ્યું છે. જો કે સરકારે માત્ર 42 લોકોના મોત જ ઝેરી દારુથી થયા હોવાનું માન્યું હતું.

રાષ્ટ્રીય માનવાધિકાર આયોગ (NHRC) ઝેરી દારુથી મોત મામલે તપાસ કરી રહ્યું છે. આ દરમિયાન સિવાનમાં પણ 4 લોકોનું ઝેરી દારુ પીવાથી મોત થયું હતું.​​

​​​​

અન્ય સમાચારો પણ છે...