કોરોનાનો કહેર:મધ્ય પ્રદેશમાં 5 MLA સંક્રમિત, વિધાનસભા સત્ર સ્થગિત કરાયું

મધ્યપ્રદેશમાં સોમવારે શરૂ થનાર 3 દિવસના વિધાનસભા સત્રને કોરોનાનું ગ્રહણ લાગ્યું છે. એક દિવસ પહેલા 5 ધારાસભ્યો અને સચિવાલયના 61 કર્મચારીઓ કોરોના સંક્રમિત થયા છે. તેના કારણે સત્રને સ્થગિત કરાયું છે. આ તમામ લોકોને ક્વોરન્ટાઈન કરાયા છે. જ્યારે કોંગ્રેસે માંગણી કરી છે કે સત્ર સ્થગિત કરવાની શું જરૂર છે? સરકાર કહે છે કે જો ધારાસભ્યને કંઈક થઈ જશે તો તેની જવાબદારી કોણ લેશે? અત્યાર સુધીમાં મધ્ય પ્રદેશના 52 એમએલએ અને વિધાનસભાના 61 કર્મચારીઓ કોરોના પોઝિટિવ થઈ ચૂક્યા છે. પહેલા વિધાનસભાનું સત્ર 28થી 30 ડિસેમ્બર યોજાવાનું હતું.