તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • National
  • 3 Students Lost Control While Riding A Bike To Rescue A Cow, A School Bus Coming From Behind Dragged The Student Up To 35 Feet

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

જે શાળામાં ભણતા હતા તેની બસે જ ટક્કર મારી:ગાયને બચાવવા જતા બાઈક સવાર 3 વિદ્યાર્થીએ નિયંત્રણ ગુમાવ્યું, પાછળથી આવતી સ્કૂલ બસ વિદ્યાર્થીને 35 ફૂટ સુધી ઘસડીને લઈ ગઈ

ભરતપુર9 દિવસ પહેલા
  • એક વિદ્યાર્થીનું ઘટના સ્થળે મોત નિપજ્યું, બે વિદ્યાર્થીને હોસ્પિટલમાં દાખલ કરાયા

રાજસ્થાનના ભરતપુરમાં શનિવારે એક માર્ગ અકસ્માતમાં બાઈક સવાર વિદ્યાર્થીનું મોત નિપજ્યું હતું જ્યારે બે વિદ્યાર્થી ઈજાગ્રસ્ત થયા હતા. નદબઈ વિસ્તારમાં આ ઘટના ગાયને બચાવવા જતા સર્જાઈ હતી. બાઈક પર જઈ રહેલા ત્રણેય વિદ્યાર્થી ગાય સામે આવી જતા બાઈક પરનું નિયંત્રણ ગુમાવી બેઠા હતા. તે સમયે પાછળથી ઝડપભેર આવી રહેલી સ્કૂલ બસની ઝપટમાં તેઓ આવી ગયા હતા. એક વિદ્યાર્થી બસના આગળના વ્હિલમાં ફસાઈ ગયો હતો. બસ એટલી સ્પીડમાં હતી કે વિદ્યાર્થી 35 ફૂટ સુધી ઘસડાયો હતો. તેનું ઘટના સ્થળે જ મોત નિપજ્યું હતું. ઈજાગ્રસ્ત અન્ય બે વિદ્યાર્થીને હોસ્પિટલમાં દાખલ કરવામાં આવ્યા છે.

સ્થાનિક લોકો પાસેથી માહિતી મેળવી રહેલી પોલીસ
સ્થાનિક લોકો પાસેથી માહિતી મેળવી રહેલી પોલીસ

લગભગ સવારે 8 વાગે ત્રણ વિદ્યાર્થી એક બાઈક પર શાળા જઈ રહ્યા હતા. ત્યારે અચાનક ગાય સામે આવી ગઈ હતી. ગાયથી બચવા માટે તેમણે થોડો યુ ટર્ન લગાવ્યો. તે સમયે પાછળથી આવી રહેલી સ્કૂલ બસે બાઈક સવાર ત્રણેય વિદ્યાર્થીને ટક્કર મારી હતી. બાઈક પર બેઠેલો એક વિદ્યાર્થી બસની નીચે આવી ગયો હતો. બસ તેને 35 ફૂટ સુધી ઘસડીને લઈ ગઈ હતી. આ વિદ્યાર્થીનું મોત નિપજ્યું હતું.

જે શાળામાં અભ્યાસ કરતો હતો તેની બસે જ ટક્કર મારી
મૃતક વિદ્યાર્થી ટાગોર સ્કૂલમાં ધોરણ-11માં અભ્યાસ કરતો હતો. તેને ટાગોર સ્કૂલની બસે જ ટક્કર મારી હતી. બાઈક પર બેઠેલા અન્ય બે વિદ્યાર્થી અન્ય શાળામાં અભ્યાસ કરતા હતા. મૃતક વિદ્યાર્થીનું નામ ભાનુ પ્રતાપ હતું. તે નદબાઈના વેર હાઉસ કોલોનીમાં રહેતો હતો. દિકરાના મૃત્યુના સમાચાર મળતા પરિવારને ભારે આઘાત પહોંચ્યો છે.

હોસ્પિટલમાં પરિવારના સભ્યો વચ્ચે ભારે વ્યથા
હોસ્પિટલમાં પરિવારના સભ્યો વચ્ચે ભારે વ્યથા
અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે આસપાસનું વાતાવરણ સુખદ જળવાયેલું રહેશે. પ્રિયજનો સાથે બેસીને તમે તમારા અનુભવ વ્યક્ત કરશો. કોઇપણ કાર્ય કરતા પહેલાં તેની રૂપરેખાથી સારું પરિણામ પ્રાપ્ત થશે. નેગેટિવઃ- આ વાતનું પણ ધ્યાન ર...

    વધુ વાંચો