હાઇવે પર પૂરઝડપે આવતા ટ્રકે પરીવારને અડફેટે લીધો , VIDEO:2 મહિલાના મોત; 5 વર્ષની બાળકીની હાલત ગંભીર; બે ઘાયલ

મધ્યપ્રદેશના સિવની જિલ્લામાં એક ટ્રકે બાઇક સવાર વૃદ્ધ દંપતી અને પરિવારને કચડી નાખ્યા. આ અકસ્માતમાં બે મહિલાઓના મોત થયા હતા. જ્યારે પાંચ વર્ષની બાળકી અને બાઇક ચાલક ઘાયલ થયા. જેમાં બાળકીની હાલત ગંભીર છે. તેને નાગપુર રીફર કરવામાં આવી છે. આ દર્દનાક ઘટના સીસીટીવીમાં કેદ થઈ છે. પોલીસે ટ્રક ચાલકની ધરપકડ કરી ટ્રક કબજે કરી.

આ અકસ્માત સિવની જિલ્લાના કુરાઈ પોલીસ સ્ટેશન પાસે નાગપુર-સિવની હાઈવે પર થયો હતો. સીસીટીવી ફૂટેજમાં જોવા મળે છે કે જ્યારે વૃદ્ધ દંપતી રોડ ક્રોસ કરી રહ્યા હતા ત્યારે બાઇક સવાર પતિ-પત્ની તેમની પાંચ વર્ષની પુત્રી સાથે ડિવાઇડરના યુ-ટર્ન પર ઉભા હતા. દરમિયાન પાછળથી પૂરપાટ ઝડપે આવતી ટ્રકે વૃદ્ધ દંપતીને ટક્કર મારી હતી.

વૃદ્ધ મહિલાનું ઘટનાસ્થળે જ મોત નિપજ્યું જ્યારે તેનો પતિ ઘાયલ થયો. દંપતીને બચાવવા માટે ટ્રક ચાલકે વાહનને જમણી તરફ ફેરવ્યું ત્યારે ત્યાં ઉભેલો બાઇક સવાર પરિવાર પણ તેની ઝપેટમાં આવી ગયો. જે બાદ તેના પર સવાર ત્રણેય લોકો નીચે પડી ગયા. અકસ્માતમાં ઘાયલ થયેલી મહિલા અને બાળકીને હોસ્પિટલમાં ખસેડવામાં આવી હતી. જ્યાં સારવાર દરમિયાન મહિલાએ દમ તોડ્યો જ્યારે બાળકીની હાલત નાજુક છે. મહિલાના પતિને સામાન્ય ઈજા.

સ્થાનિક લોકોનું કહેવું છે કે રોડ બનાવતી કંપનીની ભૂલને કારણે આ અકસ્માત થયો હતો. રોડ ક્રોસ કરવા માટે વચ્ચોવચ માત્ર 4 ફૂટ પહોળી જગ્યા છે. જેના કારણે અકસ્માતની શક્યતા 90% છે. રોડ ક્રોસિંગની જગ્યાએ 6 લેન રોડને બદલે 4 લેન રોડ છે. તહસીલ વિસ્તારમાં, 98% રોડ માત્ર ફ્લાયઓવર પર જાય છે અથવા તે બાય-પાસ જાય છે. પરંતુ આ રોડ ફ્લાયઓવર વગર ગામની વચ્ચેથી જાય છે.