શરૂઆત / પહેલું ઈલેક્ટ્રિક વાહન ચાર્જિંગ સ્ટેશન શરૂ થયું, મોબાઇલ એપથી બુકિંગ કરી શકાશે

Divyabhaskar.com

Jun 12, 2019, 05:11 PM IST
First Electric Vehicle Charging Station started

યુટિલિટી ડેસ્કઃ દિલ્હીમાં દેશના પ્રથમ સ્માર્ટ પબ્લિક ઈલેક્ટ્રિક વાહન ચાર્જિંગ સ્ટેશનની શરૂઆત થઈ. સાઉથ એક્સટેન્શન પાર્ટ-2 સ્થિત આ સ્ટેશનનું ઉદ્ઘાટન ઉર્જા મંત્રી સત્યેન્દ્ર જૈને કર્યું. આ સ્ટેશનમાં એક પેનલમાં બે ગાડીઓ ચાર્જ કરી શકાશે. એકવાર ચાર્જિંગ માટે લોકોએ 160થી 200 રૂપિયા ચૂકવવા પડશે. કારના માલિકને 1.60 રૂપિયા/કિલોમીટરથી 1.80 રૂપિયા/કિલોમીટરનો ખર્ચ આવશે.


લોકો નજીકમાં ચાર્જિંગ સ્ટેશન ક્યાં છે એ ઓનલાઇન જોઈ શકાશે
આ કન્સેપ્ટ ઈલેક્ટ્રીફાય મોબાઇલ એપ્લિકેશનના માધ્યમથી કામ કરશે. આ એપ પર વાહન માલિક ઓનલાઇન જોઈ શકે છે કે તેની નજીકમાં કયું ચાર્જિંગ સ્ટેશન છે અને તે ક્યાં આવેલું છે. તેમજ ઓનલાઇન એ પણ જોવા મળશે કે ત્યાં ચાર્જિંગ પોર્ટ ખાલી છે કે નહીં અથવા ચાર્જિંગ માટે કેટલું વેઇટિંગ છે. આટલું જ નહીં, વેઇટિંગથી બચવા માટે ત્યાં જતા પહેલાં જ પોતાના માટે એક ચાર્જિંગ સ્લોટ એડવાન્સમાં પણ બુક કરી શકાશે. આ સુવિધા લેવા માટે તમારે ઓનલાઇન ચૂકવણી કરવી પડશે.


150 ચાર્જિંગ સ્ટેશન બનાવવાનો પ્લાન
બોમ્બે સબર્બન ઈલેક્ટ્રિક સપ્લાય (BSES)ના સીઈઓ અમલ સિન્હાના જણાવ્યા અનુસાર, દિલ્હીમાં આશરે 2500 ઈલેક્ટ્રિક કાર્સ છે. તેને ચાર્જ કરવા માટે જ કંપનીએ સાઉથ એક્સ પાર્ટ-2માં ચાર્જિંગની બે પેનલ લગાવી છે. એક પેનલમાં બે ગાડીઓ એકસાથે ચાર્જ થઈ શકે છે. આ નાણાકીય વર્ષના અંત સુધીમાં વધુ 50 જગ્યાઓએ ચાર્જિંગ સ્ટેશન બનાવવામાં આવશે.


આવનારાં કેટલાક વર્ષોમાં આશરે 150 ચાર્જિંગ સ્ટેશન બનાવવાનો પ્લાન છે. ભવિષ્યમાં દિલ્હીમાં ઈલેક્ટ્રિક ગાડીઓની સંખ્યા વધશે. એવામાં ચાર્જિંગ સ્ટેશન પણ બનાવવા પડશે. તેને જોતા કંપનીએ એ સ્થાનો પર ચાર્જિંગ સ્ટેશન બનાવવાનું કામ શરૂ કરી દીધું છે, જ્યાં સૌથી વધારે ઈલેક્ટ્રિક કાર્સ છે.

X
First Electric Vehicle Charging Station started
COMMENT

Next Stories

    ની  સંપૂર્ણ વાંચનસામગ્રી