અનુચ્છેદ 370   / અમેરિકી મીડિયા કાશ્મીરની એકતરફી તસવીર રજૂ કરે છે : ભારતીય રાજદૂત 

પ્રતિકાત્મક તસવીર
પ્રતિકાત્મક તસવીર

  • ભારતે કહ્યું- કાશ્મીરીઓના ભલા માટે આ નિર્ણય લીધો છે
  • રાજદૂત શૃંગલાએ કહ્યું કે, અમેરિકન સાંસદોને કાશ્મીરની સાચી માહિતી અપાઈ રહી છે

Divyabhaskar.com

Sep 12, 2019, 05:54 AM IST

વૉશિંગ્ટન: અમેરિકામાં ભારતના રાજદૂત હર્ષવર્ધન શૃંગલાએ કહ્યું કે અમેરિકન મીડિયાનો એક હિસ્સો, ખાસ કરીને પોતાને ઉદારવાદી ગણાવતા લોકો, કાશ્મીરની એકતરફી તસવીર બતાવી રહ્યા છે. આવું તેઓ એ લોકોના કહેવાથી કરી રહ્યા છે જે ભારતનાં હિતો વિરુદ્ધ કામ કરી રહ્યા છે. ભારતે જમ્મુ-કાશ્મીરને વિશેષ દરજ્જો આપતી કલમ 370 ખતમ કરીને તેને બે કેન્દ્રશાસિત પ્રદેશમાં વહેંચ્યું છે. આ નિર્ણયથી ત્યાંના લોકોનું જ ભલું થશે. તેનાથી તેમને અધિકારો મળશે, જેનાથી તેઓ દાયકાઓથી વંચિત હતા. એક ઈન્ટરવ્યૂમાં શૃંગલાએ કહ્યું કે જમ્મુ-કાશ્મીરમાં 370 અરાજકતાવાદી કલમ હતી. તેનાથી અર્થતંત્રનું ગળું ઘોંટાઈ ગયું હતું. પાકિસ્તાની આતંકવાદને પ્રોત્સાહન મળતું હતું. અમેરિકન મીડિયાનો એક હિસ્સો આ મુદ્દાનો ઉલ્લેખ જ નથી કરતો, પરંતુ તેને ઉજાગર કરવા અત્યંત મહત્ત્વનું છે. અમેરિકન મીડિયાનો એક વર્ગ સતત ઈરાદાપૂર્વક જમ્મુ-કાશ્મીરની એકતરફી તસવીર રજૂ કરી રહ્યો છે. તેઓ આ પાસાં પર ધ્યાન કેન્દ્રિત કરતા રહ્યા, જેનાથી ભારતનું નુકસાન ઈચ્છતા પક્ષોએ તેને આગળ વધાર્યું.

અમેરિકન મીડિયાના રિપોર્ટ

  • સુરક્ષાદળોના ફાયરિંગમાં એક યુવકનું મોત, અધિકારીઓ કહે છે કે કાશ્મીરમાં શાંતિ છે
  • વૉશિંગ્ટન પોસ્ટ: 7 સપ્ટેમ્બરે લખ્યું- શ્રીનગરમાં સુરક્ષાદળોના ફાયરિંગમાં એક મહિના પહેલાં ઈજાગ્રસ્ત થયેલા યુવક અસરાર અહમદ ખાન (19)નું મોત થયું આમ છતાં, ભારતના ઉચ્ચ સુરક્ષા અધિકારી કહે છે કે, કાશ્મીરમાં શાંતિ છે.
  • યુએસએ ટુડે: 7 સપ્ટેમ્બરે લખ્યું- ભારતીય સેનાના લાખો જવાનોએ મુસ્લિમ બહુમતી કાશ્મીરને જેલમાં ફેરવી દીધું. સુરક્ષાદળો અહીં હુમલો કરી રહ્યા છે. જમ્મુ અને કાશ્મીરના અનેક વિસ્તારમાં પોલીસ કારણ કહ્યા વિના હજારો ઘરોમાં રાત્રે તપાસ કરી રહી છે.
  • ન્યૂયોર્ક ટાઈમ્સ- 5 સપ્ટેમ્બરે લખ્યું- ભારતની હિન્દુ રાષ્ટ્રવાદી સરકારે મુસ્લિમ બહુમતી ક્ષેત્રની સ્વાયત્તતા ઓછી કરી દીધી છે. સરકાર કહે છે કે કાશ્મીરમાં ફરી લેન્ડલાઈન ફોન સેવા શરૂ થઈ ચૂકી છે, જ્યારે લોકો હજુ ફોન નથી લગાવી શકતા.

ભારત સરકારનો દાવો

  • કાશ્મીરી યુવકનું મોત ગોળી લાગવાથી નહીં, પરંતુ કોઈ કઠોર વસ્તુના પ્રહારથી થયું
  • એનએસએ: અજિત ડોભાલે 7 સપ્ટેમ્બરે કહ્યું કે કાશ્મીરમાં સ્થિતિ સારી છે. એકમાત્ર ઘટનામાં એક યુવકનો જીવ ગયો છે, પરંતુ આ મોત ગોળી લાગવાથી નથી થયું. પોસ્ટમોર્ટમ રિપોર્ટ પ્રમાણે આ યુવકનું મોત કોઈ કઠોર વસ્તુના પ્રહારના કારણે થયું છે.
  • એનએસએ: ડોભાલે કહ્યું કે સુરક્ષાદળોના અત્યાચારનો સવાલ જ નથી ઊઠતો. તેઓ જાહેર વ્યવસ્થા સંભાળી રહ્યા છે. સેના આતંકીઓ સામે લડવા તહેનાત કરાઈ છે. જમ્મુ-કાશ્મીરના 199 પોલીસ સ્ટેશન એરિયામાંથી ફક્ત 10માં પ્રતિબંધાત્મક આદેશ જારી છે.
  • મુખ્ય સચિવ: જમ્મુ-કાશ્મીરના મુખ્ય સચિવ રોહિત કંસલે કહ્યું કે ખીણના તમામ વિસ્તારોમાં લેન્ડલાઈન ફોન સેવા ફરી શરૂ કરી દેવાઈ છે. મોબાઈલ ફોન, ઈન્ટરનેટ સેવા માટે સ્થિતિ પર નજર રખાઈ રહી છે. જમ્મુ અને લદાખમાં પહેલેથી જ સેવા ચાલુ છે.
X
પ્રતિકાત્મક તસવીરપ્રતિકાત્મક તસવીર
COMMENT

Next Stories

    ની  સંપૂર્ણ વાંચનસામગ્રી