દેખાવકારોના પોસ્ટર લગાવવા અંગે સુપ્રીમ કોર્ટે યોગી સરકારને કહ્યું- કયા કાયદા હેઠળ કાર્યવાહી કરાઈ છે?

નવી દિલ્હીઃ ઉત્તરપ્રદેશમાં નાગરિકતા સંશોધન કાયદા વિરુદ્ધ દેખાવમાં હિંસા ફેલવવાના આરોપીઓના પોસ્ટર લગાવવા અંગે સુપ્રીમ કોર્ટમાં સુનાવણી થઈ રહી છે. કોર્ટે યોગી સરકારને પુછ્યું કે, કયા કાયદા હેઠળ આરોપીઓના હોર્ડિંગ્સ લગાવવામાં આવ્યા છે. અત્યાર સુધી એવી કોઈ જોગવાઈ નથી, જે આની મંજૂરી આપતો હોય. યોગી સરકારે અરજીમાં અલહાબાદ હાઈકોર્ટના એ નિર્ણયને પડકાર આપ્યો છે, જેમાં કોર્ટે દેખાવકારોના પોસ્ટર હટાવવાનો આદેશ આપ્યો હતો. કોર્ટે સરકારની આ કાર્યવાહીને વ્યક્તિની પ્રાઈવસીમાં બિનજરૂરી હસ્તક્ષેપ કરાર કરી દીધો હતો.