આરોપ / શીલા દીક્ષિતનાં પુત્ર સંદીપે કહ્યુ-મારી માતાનાં મોત માટે ચાકો જવાબદાર

સંદીપ દીક્ષિતની ફાઇલ તસવીર
સંદીપ દીક્ષિતની ફાઇલ તસવીર

Divyabhaskar.com

Oct 12, 2019, 03:23 AM IST
નવી દિલ્હી: દિલ્હી કોંગ્રેસ અધ્યક્ષના નામની જાહેરાત થવાની છે એવી અટકળો વચ્ચે આંતરિક વિવાદ સપાટી પર આવી ગયો છે. પૂર્વ મુખ્યમંત્રી શીલા દીક્ષિતના પુત્ર સંદીપ દીક્ષિતે તેમની માતાના મૃત્યુ માટે દિલ્હી કોંગ્રેસના પ્રભારી પીસી ચાકોને જવાબદાર ઠેરવ્યા છે. આ માટે તેમણે ચાકોને પત્ર લખીને આરોપ મૂક્યો છે કે, ‘ચાકોએ સર્જેલી રાજકીય સ્થિતિના કારણે જ મારી માતાનું મૃત્યુ થયું હતું. આ પત્ર લખ્યાની સંદીપ દીક્ષિતે પુષ્ટિ પણ કરી છે. બીજી તરફ, ચાકોએ આ પત્ર કોંગ્રેસ અધ્યક્ષા સોનિયા ગાંધીને મોકલીને કહ્યું છે કે, આ અંગત નહીં, રાજકીય મામલો છે, જેથી મેં પત્ર કોંગ્રેસ હાઈ કમાન્ડને મોકલ્યો છે.
શીલા દીક્ષિત બિમાર હતા ત્યારે ચાકોએ તેમના નિર્ણયો પર રોક લગાવી
સૂત્રોના જણાવ્યાનુસાર, આ પત્રમાં દાવો કરાયો છે કે, શીલા દીક્ષિત બિમાર હતા ત્યારે ચાકોએ તેમના નિર્ણયો પર રોક લગાવી હતી. આ કારણસર તેઓ તણાવમાં હતા અને 20 જુલાઈએ હૃદયરોગના હુમલામાં તેમનું મૃત્યુ થઈ ગયું. જોકે, આ પત્ર સાથે રાષ્ટ્રીય કોંગ્રેસને કોઈ લેવાદેવા નથી. આ મારો અને ચાકોનો અંગત મામલો છે.
ત્રણ પૂર્વ મંત્રીઓએ ચાકો પાસે રાજીનામું માંગ્યું
શીલા દીક્ષિતના સહયોગી રહેલા ત્રણ પૂર્વ મંત્રીઓએ પણ દિલ્હી કોંગ્રેસના પ્રભારી પીસી ચાકો પર નિશાન સાધ્યું છે, જેમાં રમાકાંત ગોસ્વામી, મંગત રામ સિંઘલ અને પ્રો. કિરણ વાલિયાનો સમાવેશ થાય છે. આ તમામે કોંગ્રેસ હાઈ કમાન્ડ સમક્ષ માંગ કરી છે કે, ચાકો રાજીનામું ના આપે તો તેમને હટાવી દો.
X
સંદીપ દીક્ષિતની ફાઇલ તસવીરસંદીપ દીક્ષિતની ફાઇલ તસવીર
COMMENT

Next Stories

    ની  સંપૂર્ણ વાંચનસામગ્રી