તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • National
  • Coronavirus In India, 2 Died. School Colleges Closed In 12 States, IPL Postponed; Supreme Court Will Hear Only The Necessary Cases

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

કેન્દ્રએ 4 લાખના વળતરની જાહેરાત કરી પછી યુટર્ન, રાજ્યોને ચૂકવવા કહ્યું

એક વર્ષ પહેલા
  • કૉપી લિંક
  • રાષ્ટ્રપતિ ભવનમાં પદ્મપુરસ્કાર સમારંભ રદ; મહારાષ્ટ્રમાં 31 માર્ચ સુધી શોપિંગ મોલ પર પણ પ્રતિબંધ મૂકાયો
  • કેન્દ્રએ કોરોનાને રાષ્ટ્રીય આપદા જાહેર કરી; રાજ્ય સરકારે પણ નોટિફિકેશન જાહેર કર્યું
  • વધુ 1 મૃત્યુ સાથે કુલ મૃત્યુઆંક 3, પીડિતોની સંખ્યા 96 થઈ, 13 રાજ્યોમાં કોરોનાનો કેર
  • ICMRનું કહેવું છે કે બધું નિયંત્રણમાં રહેશે તો 30 દિવસમાં કોરોના પર કાબૂ મેળવીશું

નવી દિલ્હીઃ દેશમાં કોરોના વાઈરસના અત્યાર સુધીમાં 96 કેસ આવી ચૂક્યા છે. 13 રાજ્યો સુધી આ રોગ પહોંચી ચૂક્યો છે. મહારાષ્ટ્રમાં એક શંકાસ્પદનું મૃત્યુ થવાની સાથે કુલ મૃત્યુઆંક 3નો થયો છે.  સાઉદી અરબથી પરત આવેલા બુલઢાણાના  71 વર્ષીય વૃદ્ધનું મૃત્યુ થયું છે. તેનો રિપોર્ટ આવવાનો બાકી હતો પણ તેને કોરોના હોવાની શંકા હતી. કોરોનાને મહામારી જાહેર કર્યા પછી કેન્દ્ર સરકારે તેને રાષ્ટ્રીય આપદા જાહેર કરી છે. સાથે જ મૃતકોના પરિવારજનોને 4 લાખના વળતરની જાહેરાત કરી હતી પણ પાછળથી યુટર્ન લઈ રાજ્યોને આ રકમ ચૂકવવા કહ્યું છે. રાષ્ટ્રપતિ ભવન ખાતે યોજાનારો પદ્મપુરસ્કાર સમારંભ રદ કરાયો છે. મહારાષ્ટ્રમાં 31 માર્ચ સુધી શોપિંગ મોલ પણ બંધ રહેશે. કોરોના સંકટ પર ચર્ચા માટે નરેન્દ્ર મોદી સાંજે 5 વાગે સાર્ક દેશોના નેતાઓ સાથે વીડિયો કોન્ફરન્સસિંગ કરશે. 

વાઈરસની દવાનું નિર્માણ અને ટેસ્ટિંગ સરળ
ઇન્ડિયન કાઉન્સિલ ઓફ મેડિકલ રિસર્ચના જણાવ્યા મુજબ કોરોના વાઈરસ આઈસોલેશનમાં નથી આવતો. હવે તેની દવાનું નિર્માણ અને ટેસ્ટિંગ સરળ થઈ ગયા છે. આઈસીએમઆરના ડાયરેક્ટર જનરલ ડૉ. બલરામ ભાર્ગવે કહ્યું કે લોકોનો સહયોગ જરૂરી છે. જો બધુ નિયંત્રણમાં રહેશે તો 30 દિવસની અંદર આપણે કોરોના વાઈરસ પર નિયંત્રણ મેળવી લઈશું. આઈસીએમઆરના વિજ્ઞાની પ્રિયા અબ્રાહમે કહ્યું કે ભારતે આ વૈશ્વિક મહામારીના બચાવનું પ્રથમ ચરણ પાર કરી લીધું છે.

સાઉદી અરબથી આવેલા એક શંકાસ્પદ દર્દીનું મોત
સાઉદી અરબથી આવેલા એક શંકાસ્પદ કોરોના વાયરસના દર્દીનું મહારાષ્ટ્રના બુલઢાણા જિલ્લામાં મૃત્યુ થયું છે. 71 વર્ષની આ વ્યક્તિને ડાયાબિટીસ અને હાઇ બ્લડપ્રેશરની સમસ્યા હતી. આ પહેલા શુક્રવારે દિલ્હીમાં 69 વર્ષીય મહિલાનું કોરોના વાયરસના લીધે મૃત્યુ થયું હતું. કર્ણાટકમાં 12 માર્ચના 76 વર્ષની એક વ્યક્તિનું સંક્રમણના લીધે મૃત્યુ થયું હતું. 
મહારાષ્ટ્ર અને યુપીમાં 2-2 નવા કેસ નોંધાયા છે. મહારાષ્ટ્રના સ્વાસ્થય મંત્રી રાજેશ ટોપેના જણાવ્યા પ્રમાણે કુલ 19 લોકો ઈન્ફેક્ટેડ મળ્યા છે. ઉત્તર પ્રદેશના ગાઝિયાબાદમાં પિતા-પુત્રનો કોરોના ટેસ્ટ પોઝિટિવ આવ્યો છે. આ વિશે ગાઝિયાબાદના જિલ્લા પ્રશાસને શનિવારે ખુલાસો કર્યો છે. તેલંગાણામાં અત્યાર સુધી બે કેસ પોઝિટિવ નોંધાયા છે. શનિવારે મુખ્યમંત્રી ચંદ્રશેખર રાવે આ વિશે માહિતી આપી છે. તેમણે જણાવ્યું છે કે, બંને દર્દીઓને રાજકીય ગાંધી હોસ્પિટલમાં દાખલ કરવામાં આવ્યા છે. તે સિવાય અન્ય બે દર્દીઓને ઓબ્ઝર્વેશનમાં રાખવામાં આવ્યા છે. તેમનો રિપોર્ટ આવવાનો બાકી છે.

અત્યાર સુધી 10 લોકો સાજા થયા, ડિસ્ચાર્જ કરાયા
કેન્દ્રીય સ્વાસ્થય મંત્રાલયના જણાવ્યા પ્રમાણે કોરોનાથી ઈન્ફેક્ટેડ 10 લોકો અત્યાર સુધી સાજા થઈ ગયા છે. તેમાં ઉત્તર પ્રદેશના 5, કેરળના 3, રાજસ્થાન અને દિલ્હીના 1-1 દર્દી સામેલ છે. સારવાર પછી તેમને હોસ્પિટલમાંથી ડિસ્ચાર્જ કરવામાં આવ્યા છે.


UPDATES

  • IIT કાનપુર, દિલ્હી, ખડગપુર અને મદ્રાસમાં 31 માર્ચ સુધી દરેક પરીક્ષાઓ અને ક્લાસ રદ કરવામાં આવ્યા છે. આઈઆઈટી દિલ્હીએ વિદ્યાર્થીઓને હોસ્ટેલ ખાલી કરવાનો આદેશ આપ્યો છે.
  • ઉત્તર પ્રદેશમાં કોરોના વાઈરસની તપાસ માટે પાંચ લેબ સ્થાપિત કરવામાં આવી છે. મુખ્યમંત્રી યોગી આદિત્યનાથે જણાવ્યું કે લખનઉમાં બે જ્યારે અલીગઢ, વારાણસી અને ગોરખપુરમાં 1-1 લેબ સ્થાપિત કરવામાં આવી છે.
  • કોરોનાનું ઈન્ફેક્શન વધારે ન ફેલાય તે માટે મધ્યપ્રદેશ, દિલ્હી, પંજાબ, હરિયાણા, ઉત્તર પ્રદેશ, હિમાચલ પ્રદેશ, ગોવા, પશ્ચિમ બંગાશ લહિત 15 રાજ્યોમાં સ્કૂલ-કોલેજો બંધ કરાવવામાં આવી છે.
  • કોરોના વાઈરસના વધતા પ્રભાવને ધ્યાનમાં રાખીને 3 એપ્રિલ સુધી ચાલનારુ સત્ર 18 માર્ચ સુધી સ્થગિત કરી દેવામાં આવે તેવી શક્યતા છે. ત્રણ સાંસદોએ પીએમને પત્ર લખીને સત્ર સમાપ્ત કરવા કહ્યું છે.
  • સુપ્રીમ કોર્ટે પણ હાલ મહત્વના કેસની જ સુનાવણી કરવાનો નિર્ણય કર્યો છે.
  • સિદ્ધી વિનાયક મંદિર ટ્રસ્ટે દરેક શ્રદ્ધાળુઓને મંદિરમાં પ્રવેશતા પહેલાં હેન્ડ સેનિટાઈઝર આપવાનો નિર્ણય કર્યો છે.
  • ઉત્તર પ્રદેશના ગાઝિયાબાદમાં પિતા અને પુત્ર કોરોના પોઝિટિવ આવ્યા છે. જિલ્લા પ્રશાસને તેમની સારવાર શરૂ કરી દીધી છે.
  • નાગપુરના મેયો હોસ્પિટલમાંથી કોરોના વાઈરસના 5 શંકાસ્પદ દર્દીઓ ભાગી ગયા છે. જોકે તેમાં 1નો રિપોર્ટ નેગેટિવ આવ્યો છે અને બાકીના 4ના રિપોર્ટ આવવાના બાકી છે.
  • પંજાબ સરકારે વિદેશ યાત્રાથી પરત આવેલા 6011 લોકોને નજર હેઠળ રાખવામાં આવ્યા છે.
  • RSSની બેંગલુરુમાં થનારી અખિલ ભારતીય પ્રતિનિધિ સભા સ્થગિત કરી દેવામાં આવી છે.

તિહાર જેલમાં કોરોના સામે લડવાની તૈયારી- દિલ્હીની તિહાર જેલમાં દોઢ હજારથી વધારે કેદીઓનું સ્ક્રીનિંગ કરવામાં આવ્યું છે. અહીં 8 આઈસોલેશન વોર્ડ બનાવવામાં આવ્યા છે. વિદેશથી ભારત આવતા કેદીઓને બધાથી અલગ રાખવામાં આવે છે. તપાસમાં સામાન્ય જોવા મળતા દર્દીઓને જેલમાં શિફ્ટ કરવામાં આવે છે. ખાસ મેડિકલ સાધનોની પણ ખરીદી કરવામાં આવી છે. સેનિટાઈઝેશન માટે ઈન્ફોસિસની બિલ્ડિંગ ખાલી કરાવી- ઈન્ફોસિસે તાત્કાલિક તેમનું બિલ્ડિંગ ખાલી કરવાનો નિર્ણય કર્યો છે. કારણકે તેમનો એક કર્મચારી COVID-19નો દર્દી નોંધાયો છે. આ પગલું કર્મચારીઓની સુરક્ષા માટે લેવામાં આવ્યું છે. વિરાટ કોહલીએ ટ્વિટ કરી કોરોના સામે મજબૂતાઈથી લડવાની અપીલ કરી

માસ્કના કાળાબજાર કરનારને 7 વર્ષની સજા- કોરોના વાઈરસના વધતા ઈન્ફેક્શનને ધ્યાનમાં રાખીને ભારત સરકારે એક મહત્વનું પગલું લીધું છે અને N-95 માસ્ક અને હેન્ડ સેનિટાઈઝરને જરૂરિયાતની વસ્તુઓની શ્રેણીમાં સામેલ કરી દીધા છે જેથી તેનું કાળાબજાર થતાં અટકાવી શકાય. આ પગલું લીધા પછી કેન્દ્ર અને રાજ્ય કોરોના વાઈરસના બચાવના કામમાં આવતી વસ્તુઓના ઉત્પાદન, ગુણવત્તા અને ડિસ્ટ્રીબ્યૂશનને નિયત્રિંત કરી શકે. સરકારે કહ્યું છે કે, આ આદેશ 30 જૂન સુધી પ્રભાવિત રહેશે. તેમાં માસ્ક (2 પ્લાઈ અને 3 પ્લાઈ સર્જિકલ માસ્ક, N-95 માસ્ક) અને હેન્ડ સેનિટાઈઝરને જરૂરિયાત વસ્તુઓના અધિનિયમ અંતર્ગત રાખવામાં આવ્યા છે. આ અધિનિયમનું ઉલ્લંઘન કરનાર માટે 7 વર્ષની સજાની જોગવાઈ કરવામાં આવી છે. રાજ્યોમાં સ્થિતિ ઉત્તરાખંડઃ શાળા કોલેજ સરકારે બંધ કરાવી છે. મુખ્યમંત્રીએ તમામ હોટલોને એડવાઈઝરી જાહેર કરી છે. ઓરિસ્સાઃ સરકારે કોરોના વાઈરસને આપત્તિ જાહેર કરી. સિનેમા ઘર, સ્વીમિંગ પુલ અને જિમ બંધ રહેશે. 31 માર્ચ સુધી રાજ્યમાં તમામ શાળા કોલેજ બંધ રહેશે. વિધાનસભાની કાર્યવાહી 29 માર્ચ સુધી સ્થગિત રહેશે. હરિયાણાઃ હરિયાણાએ કોરોના વાઈરસને મહામારી જાહેર કરી છે. આ 1 વર્ષ માટે માન્ય રહેશે. હરિયાણા આવું કરનારું પહેલું રાજ્ય છે. દિલ્હીઃ કેજરીવાલ સરકારે પણ કોરોનાને મહામારી જાહેર કરી. અહીંયા 31માર્ચ સુધી શાળા કોલેજ અને સિનેમા બંધ રહેશે. સ્પોટ્સ કાર્યક્રમ પણ રદ કરાયા છે. ઉત્તર પ્રદેશઃ સરાકરે કોરોના વાઈરસને મહામારી જાહેર કરી. 22 માર્ચ સુધી તમામ શાળા-કોલેજો બંધ. યોગી આદિત્યનાથે કહ્યું કે જો પરીક્ષા ચાલી રહી છે તો શાળા બંધ નહીં થાય. અત્યાર સુધી યુપીમાં 11 કેસ સામે આવી ચુક્યા છે.

જમ્મુ-કાશ્મીરઃ સ્પોર્ટ્સ કાઉન્સિલે 31 માર્ચ સુધી સ્પોર્ટ્સ એક્ટિવિટી બંધ કરાવી.


કેરળઃ સરકારે વિધાનસભાની કાર્યવાહી 8 એપ્રિલ સુધી સ્થગિત કરી. એડવાઈઝરી જાહેર કરી.

મધ્ય પ્રદેશ: સરકારે 12માં ધોરણ સુધીની સ્કૂલ-યુનિવર્સિટી બંધ કરી દીધી. જોકે 10-12 ધોરણની એક્ઝામ યથાવત્ રાખવામાં આવી છે. તે ઉપરાંત 15 માર્ચથી ભોપાલના એશબાગ, ધ્યાનચંદ સ્ટેડિયમ અને સાઈ સેન્ટર પર થનારી નેશનલ હોકી ટૂર્નામેન્ટ ટાળી દેવામાં આવી છે. 31 માર્ચ સુધી સિનેમા ઘર બંધ કરી દેવામાં આવ્યા છે.


રાજસ્થાન: રાજ્યમાં સરકારે કોરોના વાઈરસની મહામારી જાહેર કરી દીધી છે. વિધાનસભા 26 માર્ચ સુધી સ્થગિત કરી દેવામાં આવી છે. રાજ્યની દરેક સરકારી સ્કૂલ, મોલ, સિનેમાહોલ, જિમ અને કોચિંગ સેન્ટર 30 માર્ચ સુધી બંધ કરી દેવામાં આવ્યા છે. જોકે બોર્ડ સહિતની દરેક પરીક્ષાઓ યથાવત્ રાખવામાં આવી છે.


છત્તીસગઢ: સરકારે છત્તીસગઢ વિધાનસભાના બજેટ સત્રને 17-25 માર્ચ સુધી 10 દિવસ માટે સ્થગિત કરી દીધું છે. કેન્દ્ર સરકારની એડ્વાઈઝરીને ધ્યાનમાં રાખીને સ્કૂલ-કોલેજોની સાથે આંગણવાડી, લાઈબ્રેરી, જિમ અને સ્વિમિંગ પુલ પણ 31 માર્ચ સુધી બંધ કરી દેવામાં આવ્યા છે.

પંજાબ: અહીં આંગણવાડી, દરેક સ્કૂલ, યુનિવર્સિટી અને કોલેજો 31 માર્ચ સુધી બંધ કરી દેવામાં આવી છે. પરીક્ષાઓ નક્કી કરેલા કાર્યક્રમ પ્રમાણે જ થશે. NIITએ મિડ સેમિસ્ટર બ્રેક 28 માર્ચ સુધી વધારી દીધી છે.


બિહાર: દરેક સ્કૂલ, કોલેજ અને કોચિંગ ક્લાસ 31 માર્ચ સુધી બંધ કરી દેવામાં આવ્યા છે. સરકારી સ્કૂલો બંધ રાખવામાં આવી છે ત્યાં સુધી તે બાળકોના મિડ-ડે મિલના પૈસા તેમના બેન્ક એકાઉન્ટમાં જમા કરી દેવામાં આવશે. 22 માર્ચે બિહાર દિવસે થનારા દરેક કાર્યક્રમો રદ કરી દેવામાં આવ્યા છે.


મણિપુર: સ્કૂલ-કોલેજ 31 માર્ચ સુધી બંધ કરી દેવામાં આવી છે. અહીં શુક્રવારે થનારો અમિત શાહનો પ્રવાસ પણ રદ કરવામાં આવ્યો હતો. મણિપુરમાં મ્યાનમાર સીમાથી થતા વેપાર પર હાલ પ્રતિબંધ લગાવી દેવામાં આવ્યો છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આજે તમે શાંતિથી તમારું કામ પૂરું કરી શકશો. દરેકનો સાથ મળશે. સરકારી કામમાં સફળતા મળશે. ઘરનાં વૃદ્ધજનોનાં માર્ગદર્શનથી લાભ મળશે. નેગેટિવઃ- મન કન્ટ્રોલમાં રાખો. લોકોની&nb...

    વધુ વાંચો