તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

બ્રુ શરણાર્થીઓની વર્ષો જૂની સમસ્યાના ઉકેલ માટે સમજૂતી થઈ, રૂપિયા 600 કરોડના પેકેજની જાહેરાત

8 મહિનો પહેલા
  • કૉપી લિંક
બ્રુ શરણાર્થીઓ- ફાઈલ ફોટો
  • ગૃહપ્રધાન અમિત શાહની મુખ્યમંત્રી બિપ્લબ કુમાર દેબ, મુખ્યમંત્રી ઝોરામથાંગાની ઉપસ્થિતિમાં બ્રુ શરણાર્થીઓના પ્રતિનિધિઓ સાથે મુલાકાત
  • બ્રુ શરણાર્થીઓને રૂા.4 લાખની FD,એક પ્લોટ, મહિને રૂા. 5000ની બે વર્ષ સુધી આર્થિક સહાયતા અને વિના મૂલ્યે રેશન અપાશે

નવી દિલ્હીઃ કેન્દ્રીય ગૃહ પ્રધાન અમિત શાહે ત્રિપુરાના મુખ્યમંત્રી બિપ્લબ કુમાર દેબ અને મિઝોરમના મુખ્યમંત્રી ઝોરામથાંગાની ઉપસ્થિતિમાં બ્રુ શરણાર્થીઓના પ્રતિનિધિઓ સાથે મુલાકાત કરી હતી અને મિઝોરમમાંથી બ્રુ શરણાર્થીઓને લગતી કટોકટીનો અંત લાવવા માટે એક સમજૂતી પર હસ્તાક્ષર કર્યા હતા. આ સાથે ત્રિપુરામાં આશરે 30,000 બ્રુ શરણાર્થીઓના પુનઃવસન માટે રૂપિયા 600 કરોડનું પેકેજ આપવામાં આવ્યું છે.બ્રુ શરણાર્થીઓને રૂપિયા 4 લાખની ફિક્સ્ડ ડિપોઝીટ (FD) સાથે એક પ્લોટ, પ્રતિ મહિના રૂપિયા 5000ની બે વર્ષ સુધી આર્થિક સહાયતા તેમ જ વિના મૂલ્યે રેશન આપવામાં આવશે.

આ સાથે છેલ્લા 22 વર્ષથી જે બ્રુ શરણાર્થીઓને લગતી કટોકટી ચાલી આવતી હતી તેનો હવે અંત આવે તેવા સ્પષ્ટ સંકેત મળ્યા છે. ત્રિપુરામાં બ્રુ જાતીના આદિવાસીઓને રેગ્સ તરીકે પણ ઓળખવામાં આવે છે. વર્ષ 2018ની સમજૂતી પ્રમાણે તેમને મિઝોરમમાં વસવાટ કરવામાં આવવાનો હતો,પરંતુ હવે નવી સમજૂતી પ્રમાણે તેમનો વસવાટ ત્રિપુરામાં કરવામાં આવશે. અત્રે ઉલ્લેખનીય છે કે બ્રુવાસીઓ મિઝોરમ, ત્રિપુરા અને બાંગ્લાદેશમાં ચિત્તગોંગ પહાડી વિસ્તારમાં ફેલાયેલા છે. 

0

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- લાભદાયક સમય છે. કોઇપણ કાર્ય તથા મહેનતનું સંપૂર્ણ ફળ મળશે. ફોન કોલ દ્વારા કોઇ મહત્ત્વપૂર્ણ સૂચના મળવાની સંભાવના છે. માર્કેટિંગ અને મીડિયાને લગતાં કાર્યો ઉપર ધ્યાન આપો. નેગેટિવઃ- કોઇપણ પ્રક...

વધુ વાંચો