તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

મૂડ એન્ડ માઇન્ડ:શીખીએ સફળતાનું સેલિબ્રેશન કરતા

ડો. સ્પંદન ઠાકર7 દિવસ પહેલા
  • કૉપી લિંક
  • એવું ઘણાંબધાં યુગલો સાથે બને છે કે સફળતા પાછળ જે મહેનત કરી હોય તેનાં ફળ ચાખવાનો સમય આવે ત્યારે પતિપત્ની પાસે સમય જ હોતો નથી

ઇશા અને યજ્ઞેશ બંનેનાં લગ્નને પાંચ વર્ષ થયાં હતાં. બંનેનાં ખાતામાં શિકાયતો અનેક હતી પણ એ માટેનું કોઇ કારણ ન હતું. લાઇફમાં કોઇ ચાર્મ નથી રહ્યો, રોબોટિક જીવન જીવી રહ્યાં હોય એવું લાગે છે. એવી ઘણીબધી ફરિયાદો બંને કરતા હતાં. પૂછપરછ કરતા જાણવા મળ્યું કે પતિપત્ની વચ્ચે ખાસ ઝઘડા થતા ન હતા. કોઇ વાતનું ટેન્શન પણ ન હતું. બંને પાસે સારી જોબ હતી. આરામદાયક ઘર હતું અને ગાડી હતી. એક પૈસાનું દેવું ન હતું. તેમ છતાં કોઇ પણ બાહ્ય કારણ વિના જીવન ઉત્સાહ વગરનું બની ગયું હતું. રવિવારે રજા હોય ત્યારે પણ બંને જણા આખો દિવસ ઘરમાં રહીને આરામ કરવામાં પસાર કરી નાખતા હતા. કંઇક કારણ હોવું જોઇએ એવું તો બંનેને લાગતું હતું પણ એ શું હતું તેની સમજ પડતી ન હતી. એક સમય એવો પણ હતો જ્યારે ઇશા અને યજ્ઞેશ બંનેએ ખૂબ સ્ટ્રગલ કરી હતી ત્યારે આર્થિક અને સામાજિક પરિસ્થિતિ વિકટ હતી. મહેનતથી આગળ વધ્યા. સારી જોબ મેળવી. પ્રારંભના સમયમાં બંને જણા ધીમે ધીમે વિકાસ કરતા ગયાં અને લાઇફના એક પછી એક ગોલ્સ ‘એચિવ’ કરતા રહ્યાં. ત્યારે બંને જણા પાસે સાથે બેસવાનો, ભવિષ્યની યોજનાઓ બનાવવા માટેનો અને પરિવારજનોની જરૂરિયાતો સંતોષવા માટેનો પૂરતો સમય હતો. શનિ-રવિમાં બંને જોડે જ નાની-મોટી પિકનિક પર જવાનું આયોજન કરતા હતા. સમય જતાં આર્થિક સમસ્યા ઘટતી ગઇ. જોબમાં પ્રમોશન મળતું ગયું. બંને વ્યસ્ત થતાં ગયાં. વ્યવહારુ માપદંડ પ્રમાણે બંને વેલસેટલ્ડ થઇ ગયા. એ પછી માનસિક ખાલીપો સર્જાવા લાગ્યો. ‘ફિક્સ્ડ શેડ્યુલ્સ’ અને ‘મોનોટોનસ લાઇફ’માં ભરાઇ ગયાં. કામકાજ સિવાય આનંદનું બીજું કોઇ માધ્યમ રહ્યું નહીં. બંને જણા ફેમિલીથી અલગ રહેવા લાગ્યાં. મજા કરવા માટે એકમાત્ર રવિવાર બચ્યો હતો, જે આરામ કરવામાં અને થાક ઉતારવામાં વીતી જતો હતો. પર્સનલ સ્પેસ જેવું રહ્યું નહીં. ખાલીપો માથું ઊંચકવા લાગ્યો. આવું ઘણાંબધાં યુગલો સાથે બને છે. સફળતા પાછળ જે મહેનત કરી હોય તેનાં ફળ ચાખવાનો સમય આવે ત્યારે પતિપત્ની પાસે સમય જ હોતો નથી. જીવનના જે બિંદુ પર પતિપત્નીએ ડ્રીમ જોયું હોય ત્યારે ખુશી અનુભવી હોય પણ જ્યારે એ સપનું સાકાર થવાનો સમય આવે ત્યારે એટલી ખુશી માણી શકાતી નથી. રિસ્કેડ્યુલિંગ અને ઇન્સાઇટ ઓરિએન્ટેડ થેરાપી દ્વારા આવાં કપલને કાઉન્સેલિંગ આપવું જરૂર બને છે. ઇશા અને યજ્ઞેશ પણ ત્રણ-ચાર વારની મુલાકાતો પછી સફળતાનું સેલિબ્રેશન કરવાનું શીખી ગયાં. મૂડમંત્ર ઃ ઊંચાઇ પર પહોંચતા જ ખબર પડે છે કે આપણે એકલા છીએ. આ એકલતા ફરીથી નીચે ન લઇ આવે તેનું ધ્યાન રાખવું જરૂરી છે.

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આ સમયે ગ્રહ સ્થિતિ અનુકૂળ રહેશે. સન્માનજનક સ્થિતિઓ બનશે. વિદ્યાર્થીઓને કરિયરને લગતી કોઇ સમસ્યાનું સમાધાન મળવાથી ઉત્સાહમાં વધારો થશે. તમે તમારી કોઇ નબળાઇ ઉપર પણ વિજય પ્રાપ્ત કરવામાં સક્ષમ રહે...

    વધુ વાંચો