એક્સેસરીઝ:સુંદરતાને ચાર ચાંદ લગાવે કોકટેલ જ્વેલરી

ઇપણ પ્રસંગમાં તે પ્રસંગને અનુરૂપ જ્વેલરી પહેરવામાં આવે તો સુંદરતા નિખરી જાય છે. જેવી રીતે સગાઇમાં પહેરવાની જ્વેલરી ઓફિસના ફંક્શનમાં સારી નથી લાગતી એવી જ રીતે મોટાં ફંક્શનમાં રૂટિન જ્વેલરી નથી પહેરાતી. આ ફંક્શનમાં પહેરવા માટે ખાસ કોકટેલ જ્વેલરી અત્યારે બહુ ડિમાન્ડમાં છે. આ કોકટેલ જ્વેલરીમાં ઇયર-રિંગ અને રિંગ સૌથી વધારે ડિમાન્ડમાં છે અને એને પહેર્યા પછી આખી પર્સનાલિટી જાજરમાન બની જાય છે. જોકે આ જ્વેલરીની મર્યાદા એ છે કે એને મન પડે ત્યારે નથી પહેરી શકાતી. આને પહેરવા માટે પ્રસંગની કે ફંક્શનની જ રાહ જોવી પડે છે. }ડ્રેસિંગ મહત્ત્વનું કોકટેલ જ્વેલરીમાં ડિઝાઇન થોડી મોટી અને બોલ્ડ હોય છે. આ જ્વેલરી એવી છે જે તમે ક્યાં પહેરો છો એની સાથે તમારી પર્સનાલિટી પણ બહુ અગત્યની છે. આ સ્ટાઇલની જ્વેલરી યોગ્ય ડ્રેસિંગ પર જ સારી લાગી છે. }સ્ટાઇલિશ કોકટેલ રિંગ કોકટેલ રિંગ મોટી સાઇઝની રિંગ છે. જોકે આની કોઇ ચોક્કસ સાઇઝ નથી. કોકટેલ રિંગ મોંઘા સ્ટોનની સાથે સાથે ઇમિટેશન સ્ટોનમાં પણ બને છે. આ કારણે કોકટેલ રિંગ બજેટમાં પણ મળી રહે છે. કોકટેલ રિંગની ડિઝાઇનની વાત કરીએ તો એમાં ફ્લાવર, મોટો ચોરસ, ગોળ, લંબગોળ, ઝિગઝેગ જેવી ડિઝાઇન જોવા મળે છે. આ કોકટેલ રિંગમાં એનિમલ શેપમાં પણ જોવા મળે છે. આ કોકટેલ રિંગમાં મોટાભાગે એબ્સ્ટ્રેક્ટ ડિઝાઇન જ જોવા મળે છે. }કોકટેલ ઇયર-રિંગ કોકટેલ ઇઅર-રિંગની ડિઝાઇનમાં મોટા સ્ટોન અને નાના સ્ટોનનું કોમ્બિનેશન જોવા મળે છે. આ ઇયર-રિંગ ચાંદી અને સોના જેવી ધાતુની સાથે સાથે ઇમિટેશન મટિરિયલની પણ હોય છે. આ કોકટેલ ઇઅર-રિંગ શોલ્ડર સુધી પહેરાય છે. આમાં મેટલ, ગ્લાસ, પ્રેશિયસ સ્ટોન અને બીડ્સ તેમજ લાકડાનો પણ વપરાશ કરી શકાય છે. કોકટેલ ઇયરિંગ લાંબા હોવાના કારણે જ્યારે એ પહેરો ત્યારે નેકલેસ પહેરવો જોઇએ નહીં. પહેલાં આમાં બહુ કલર જોવા મળતા નહોતા પણ હવે આમાં કલરમાં પણ વિવિધતા જોવા મળે છે.