તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

અંદાઝે બયાં:વેલકમ ન્યૂ-યર 2021 આદમ અને ઈવ હાસ્ય સેલિબ્રેશન!

3 મહિનો પહેલાલેખક: સંજય છેલ
  • કૉપી લિંક
  • આદમ-ઈવના યાદગાર ને મજેદાર ટુચકાઓને માણીને નવા વરસનું સ્માઇલ સાથે સ્વાગત કરીએ

ટાઇટલ્સ ગાંઠિયા-જલેબીની વ્યવસ્થા રાખી હોય તો ગુજરાતીઓ આંદોલન કરવા ક્યાંય પણ ભારી સંખ્યામાં ઉમટી શકે! (છેલવાણી) રવીન્દ્રનાથ ટાગોર કહે છે: ઉત્સવ અમારી જાતિ અને આનંદ અમારું ગોત્ર... બસ આવી જ ફિલોસોફી સાથે એકધારું આપણે જીવ્યે રાખીએ છીએ. બે દિવસ બાદ, ડરી ડરીને ઊજવેલી ન્યૂ યરની પાર્ટીની મજા ભૂલાઇ જશે, હેપ્પીનેસનો હેંગ-ઓવર ઉતરી જશે, પણ ગયા વરસની કોરોના ઉપાધિ જીવનભર ક્યાંથી ભુલાશે? વળી આવતા નવા વરસે પણ બહુ કમાલનો ચમત્કાર થઇ જશે એની કોઇ ખાતરી નથી, પણ જેમ આ દેશમાં ભ્રષ્ટાચાર અને ગરીબી અમર છે, એમ આપણી આશા પણ અમર છે. જ્યારથી આ ધરતી પર આદમ અને ઈવ પધાર્યાં છે ત્યારથી માનવની સમસ્યાઓ તો ટી.વી. સીરિયલની વાર્તાઓની જેમ લંબાયા જ કરે છે. આ કોલમના લોકપ્રિય પાત્રો આદમ ને ઈવ એટલે બીજું કોઇ નહીં, પણ તમે કે હું કે આપણા જીવનસાથી કે મિત્રો કે પાર્ટનર... આદમ-ઈવની મીઠી નોંકઝોંકમાં કદીક આદમ ઈવ પર ભારે પડે તો ક્યારેક ઈવ આદમ પર... જેમ લાઇફમાં ક્યારેક સુખ વધુ આવે તો કદીક દુ:ખ! તો ચાલો, ગયા વરસના ટેન્શનાત્મક સમાચારો કે ઘટાનાઓની હાઇલાઇટ્સ કે સેડ સેડ સંભારણાંને યાદ કરવાને બદલે આદમ-ઈવના યાદગાર અને મજેદાર ટુચકાઓને માણીને નવા વરસનું સ્માઇલ સાથે સ્વાગત કરીએ. તો અમથું અમથું એન્જોય કરીને, વેલકમ કરો ન્યૂ યરને : આદમ: તું શાકાહારી છે?

ઈવ: ના કાંદાહારી! *** ઈવ : સાદું જીવન, ઉચ્ચ વિચાર- વિશે તું શું માને છે? આદમ : નથી માનતો! *** આદમ : અકબરનો જન્મ ક્યારે થયેલો? ઈવ: એના બર્થ-ડેના દિવસે! *** ઈવ: મેં પાંચ હજારનું પર્સ ખરીદ્યું! આદમ: પણ તો પછી હવે એમાં અંદર શું મૂકીશ? *** આદમ: ભૂખ લાગી છે. શું ખાઉં? ઈવ: કસમ ખા! *** ઈવ: આ વખતની ચૂંટણીથી શું શીખ્યા? આદમ: બે નવી ગાળો! *** આદમ : આપણું બેબી બોલતાં શીખી ગયુંને? ઈવ : હા, પણ હવે એને ચૂપ રહેતાં શીખવવું પડશે! *** ઈવઃ મૂરખ અને વિદ્વાનમાં શું સામાનતા છે? આદમઃ બેઉ એમ જ માને છે કે એ પોતે બધું જ જાણે છે! *** આદમ : તું ટેલિફોન ડિરેક્ટરી શા માટે વાંચે છે? ઈવ: જીવનમાં અજાણ્યાઓને ઓળખવાનો પ્રયત્ન કરું છું! *** ઈવ ઃ માતૃભાષા કેમ કહેવાય છે? આદમ ઃ કારણ કે ઘરમાં મા બોલતી હોય છે અને બાપ સાંભળે રાખે છે. *** ઈવ : સાડીની બોર્ડર કેવી લાગે છે? આદમ : અહીંયા દેશની બોર્ડર પર ટેન્શન છે અને તને સાડીની બોર્ડરની પડી છે? *** આદમ :મારું ચારિત્ર્ય ખુલ્લી કિતાબ છે. ઈવ : હા, પણ અનેક પાનાં પર ડાઘાં છે! *** આદમ : એક ઉંમર પછી સ્ત્રી ચાર્મલેસ લાગવા માંડે છે. ઈવ : અને એ ઉંમર પછી પુરુષ હાર્મલેસ! *** ઈવ: કેમ છે? આદમ : એ જ થાય છે કેમ છું? *** ઈવ : તારી હાઈટ કેટલી? આદમ : અહીં નાનપણથી ઊભું જ કોણ થયું છે માપવા માટે? *** ઈવ : વિચારીને વોટ આપવો, 5 વરસનો સવાલ છે. આદમ : આટલું તારે વિશે વિચાર્યું હોત તો જિંદગી ના બગડત! *** આદમ : આ સિઝનમાં ચાલને વર્લ્ડ ટૂર પર જઈએ।. ઈવ : ના, ત્યાં નહીં બીજે ક્યાંક જઈએ! ઇન્ટવલ વર્ષ નવ, હર્ષ નવ, જીવન ઉત્કર્ષ નવ, નવ ઉમંગ, નવ તરંગ, જીવન કા નવ પ્રસંગ (બચ્ચન) ઈવ : તને ટેકસ વિશે સમજાય છે? આદમ : સમજાતી તો તુંયે નથી? છૂટકો છે? *** ઈવ: અં…ઓન ધ અધર હેન્ડ, તને પેલી વાત વિશે શું લાગે છે? આદમ : અં...પણ મારા બીજા હાથમાં પણ આંગળા જ છે! *** આદમ: કોલમ ચોખા અને છાપાંની કોલમ વચ્ચે શું ફરક છે? ઈવ : કોલમ ચોખા જૂનાં થાય તો વધુ સારાં બને છે! *** ઈવ: મારી મૂર્તિ બને તો? આદમ : એમાં થોડા હાવભાવ ઉમેરવા પડે! *** આદમ : સાચું કહું? ઇવ : ના..જે ના ફાવે એ કામ ના કરવું. *** ઈવ: તને ખુશ કરવા શું કરું? આદમ : ખાલી નડ નહીં મને. *** ઈવ : સ્વાર્થી! તેં કેકનો મોટો ટુકડો છીનવી લીધો. હું હોત તો નાનો ઉઠાવત... આદમ : બસ, તો તને જે જોઈતું હતું એ મળી ગયુંને? *** આદમ : વરસાદનું શું લાગે છે? ઈવ : પડશે ત્યારે રસ્તા ભીના થશે! *** આદમ : તું છાપું વાંચે છે? ઈવ : ના, ના જસ્ટ આ પેપર પર ત્રાટક કરું છું! *** આદમ : મારા દિમાગમાં એક વિચાર આવે છે. ઈવ : વિચાર તો દિમાગમાં જ આવેને, નાકમાં નહીં! *** આદમ : થાય છે કવિતા લખીને સમાજ બદલી નાખું. ઈવ : પહેલા તકિયાનાં કવર બદલો તોયે ઘણું. *** આદમ ઃ જો હું ખોવાઇ જઉં તો તું છાપાંમાં જા.ખ. આપીશ? ઈવ : હા ને લખીશ કે જ્યાં છે ત્યાં ખુશ રહે! *** આદમ : (એસ.એમ.એસ. પર) કોલ મી, આદમ! ઈવ : (એસ.એમ.એસ પર જવાબ) આદમ ! ઈવ : કાલે પિયર જઇશ. આદમ : હાશ, હેપ્પી ઇન્ડિપેન્ડન્સ ડે! *** આદમ : તું પ્રેમ કરતી વખતે મારી જોડે વાત કરે? ઈવ : હા, તારો ફોન આવે તો વાત કરવી જ પડે ને! *** છોકરી ઃ તું મારી પાછળ કેમ પડ્યો છે? છોકરો ઃ એવું હોય તો તું મારી પાછળ પડ, મને વાંધો નથી! *** ઈવ : બાઇક ધીમી ચલાવ, મારા વાળ ઉડે છે. આદમ : આનાથી ધીમી કરીશ તો ઊભી રહી જશે! *** ઈવ: તું ઇમાનદાર ખરો? આદમ : હજી પકડાયો નથી! *** આદમ : દીકરો બાપની ધોતિયાની પાટલી ગોઠવી આપે એને શું કહેવાય? ઈવ : પાટલી-પુત્ર! *** ઈવ : મને મહિલા મંડળમાંથી ફ્રીમાં ગિફ્ટ મળી! આદમ : ફ્રીમાં? તો બે લઈ આવવી‘તી ને? *** આદમ : શું વિચાર્યું? ઈવ : એ જ કે કંઈક વિચારવું તો પડશે જ! *** ઈવ : મને ઓળખી? આદમ : તારો ફોન નંબર યાદ આવે છે ચહોરો નહીં! *** આદમ : એક જોક કહું? ઈવ : એના કરતાં જે કર્યું એ સાચું બોલી દેને! *** ઈવ : રમતમાં કોણ જીતે કે હારે એ અગત્યનું નથી. આદમ : તો સ્કોર બોર્ડ જખ મારવા હોય છે? ***​​​​​​​ ઈવ : શનિ-રવિ રિસોર્ટ જવું છે? આદમ : ઓકે! પણ તું એકલી ઘરમાં રહી લઇશ ને? એન્ડ ટાઇટલ્સ આદમ અને ઈવની જાહેર સૂચના: આ વરસે અમે સફરજન નહીં, પણ અડધી અડધી કોરોના રસી લઇને નવું વરસ મનાવવાનો સંકલ્પ કર્યો છે! sanjaychhel@yahoo.co.in

અન્ય સમાચારો પણ છે...

    આજનું રાશિફળ

    મેષ
    Rashi - મેષ|Aries - Divya Bhaskar
    મેષ|Aries

    પોઝિટિવઃ- આ સમયે ગ્રહ સ્થિતિ અનુકૂળ રહેશે. વાતચીત કરીને તમે તમારા કામ કઢાવી શકશો. તમારી કોઇ નબળાઈ ઉપર પણ તમે કામ કઢાવી શકવામાં સક્ષમ રહેશો. મિત્રોનો સાથ અને સહયોગ તમારી હિંમત અને તાકાતને વધારશે. ને...

    વધુ વાંચો