ફરિયાદ / રખડતા ઢોર મામલે AMCએ કડક કાર્યવાહી હાથ ધરી, પશુપાલકો સામે ગુનો નોંધાયો

divyabhaskar.com

May 16, 2019, 12:29 PM IST
The AMC carried out strict action in the case of ravaged cattle

  • રસ્તા પર રખડતા ઢોરના કારણે અકસ્માતોના બનાવ વધવાથી નિર્ણય લેવાયો 
  • મામલે શાહીબાગ પોલીસે ગાય માલિક રણછોડ રબારી સામે ગુનો નોંધ્યો

અમદાવાદ: શહેરમાં રખડતા ઢોર મામલે AMC દ્વારા કડક કાર્યવાહી હાથ ધરી ઢોરોને પકડવાની કામગીરી શરૂ કરવામાં આવી છે. સાથે સાથે હવે પોલીસે પણ કડક હાથે કાર્યવાહી શરૂ કરતા રસ્તા પર છુટા મુકતા ઢોર માલિક સામે ફરિયાદ નોંધવાની કાર્યવાહી કરી છે. શાહીબાગના બળીયાલીંમડી વિસ્તારમાં રસ્તા પર 5 ગાયો છુટી મુકનાર ઢોર માલિક વિરુદ્ધ આઇપીસી 308 અને પશુઓ પ્રત્યે ક્રુરતા પ્રતિબંધ અધિનિયમ હેઠળ ગુનો નોંધ્યો છે.

રસ્તે રખડતા ઢોર મુદ્દે ગુજરાત હાઇકોર્ટના આકરા વલણ બાદ AMC તંત્રએ ઢોર પકડવાની કામગીરી શરૂ કરી હતી પરંતુ થોડા સમય બાદ ઢીલી કામગીરી કરી દેવામાં આવી હતી. અને રસ્તે રખડતા ઢોરના કારણે અકસ્માતોના બનાવ બન્યા હતા. વિનોબાભાવે નગરમાં રહેતા એક વૃદ્ધને ગાયે અડફેટમાં લેતા તેમનું મોત નિપજ્યું હતું. આવી ઘટનાઓ વધતા કોર્પોરેશન દ્વારા ઢોર પકડવાની કામગીરી શરૂ કરાઇ છે. અસારવાના બળીયાલીંમડી જુની પટેલની ચાલી પાસેથી કોર્પોરેશને 5 જેટલી ગાયોને રસ્તા પરથી પકડી હતી. જે મામલે શાહીબાગ પોલીસે ગાય માલિક રણછોડ રબારી સામે ગુનો નોંધ્યો છે. પોલીસે આઇપીસી 308 મુજબ ગુનો નોંધ્યો છે. જેમા આરોપીને જાણ છે કે રોડ પર ગાયો વાહન ચાલકોને અડફેટે લઇ તેઓને ગંભીર ઈજા અથવા તો મોત નિપજાવી શકે છે છતા તેને છુટી મુકી હતી. બીજાની જીદગી જોખમાય તે રીતે ગાયો રસ્તે રખડતી મુકતા પોલીસે તપાસ હાથ ધરી છે.

X
The AMC carried out strict action in the case of ravaged cattle
COMMENT

Next Stories

    ની  સંપૂર્ણ વાંચનસામગ્રી