મહિલાએ જોડિયા બાળકોને જન્મ આપ્યો, 108ના કર્મીઓએ જરૂરી સારવાર આપી માતા-બાળકોનો જીવ બચાવ્યો

વડોદરાઃ છોટાઉદેપુરના પાવીજેતપુર તાલુકાના જોધપુરા ગામની મહિલાને પ્રસુતિની પીડા ઉપડતા 108 એમ્બ્યુલન્સને જાણ કરાઈ હતી. જોકે, 108 પહોંચે તે પહેલાં જ મહિલાએ જોડિયા બાળકોને જન્મ આપ્યો હતો. 108ના કર્મીઓએ પહોંચી માતા અને બાળકોને પ્રાથમિક સારવાર આપી નજીકની હોસ્પિટલમાં ખસેડ્યા હતા. હાલ ત્રણેયની હાલત સારી હોવાથી પરિવારજનોએ 108ના કર્મીઓની પ્રશંસનિય કામગીરી માટે આભાર માન્યો હતો.

માતા અને બંને બાળકોની તબિયત સારી
પાવીજેતપુર તાલુકાના જોધપુરા ડુમા ગામે એક મહિલાને પ્રસુતિની પીડાનો દુઃખાવો ઉપાડતા 108 ઇમરજન્સી સેવાને મદદ માટે બોલાવી હતી . 108 ઈમરજન્સી સેવા તેજગઢ ઝડપથી ઘટનાસ્થળ પર પહોંચી તપાસ કરતા મહિલાને પ્રસ્તુતિ થઈ ગઈ હતી. જેમાં મહિલાએ બે જોડિયા બાળકોને જન્મ આપ્યો હતો. જેમાં એક ફી- મેલ અને એક મેલ બાળક હતું. 108 ઇમરજન્સી સેવાના ઇમરજન્સી મેડિકલ ટેકનિશિયન રેખાબેન અને પાયલોટ જગદીશભાઈ રાઠવાએ શિખવાડવામાં આવેલ જ્ઞાનનો ઉપયોગ કરી તરત જ બંને બાળકો તથા માતાને જરૂરી સારવાર આપી હતી. ત્યારબાદ મુવાડા પી.એચ.સી પર દાખલ કર્યા હતા. ફરજ પર હાજર ડોક્ટર પ્રિતેશ દ્વારા જણાવેલ કે બાળક અને માતાની તબિયત સારી છે. 108 ઇમરજન્સી સેવાની શ્રેષ્ઠ  કામગીરીથી માતા તથા બાળકનો જીવ બચતા પરિવારજનોએ ધન્યવાદ માન્યો હતો.