હવે મધ્યાહન ભોજનમાં બાળકોને મનગમતું ભોજન પીરસવામાં આવશે

ગાંધીનગરઃ મધ્યાહન ભોજનમાં હવે બાળકોની રૂચિ પ્રમાણે ભોજન બનાવવામાં આવશે તેવી જાહેરાત કરવામાં આવી છે. જેમાં ઝોન પ્રમાણે પ્રાદેશિક પરિસ્થિતિ મુજબ અલગ અલગ મેનુ નક્કી કરવામાં આવશે. આ માટે સ્પેશિયલ સ્ટેક હોલ્ડર્સ સમિતિની રચના કરવામાં આવી છે. મધ્યાહન ભોજન કમિશનર આ સમિતિના અધ્યક્ષ રહેશે. ઉલ્લેખનીય છે કે, આ સમિતિમાં ન્યૂટ્રરિશિન અને હેલ્થ એક્સપર્ટ સહિત નાગરિક પુરવઠાના અધિકારી સાથે 8 લોકોનો સમાવેશ કરવામાં આવ્યો છે.

રાજ્યને 5 ઝોનમાં વહેંચ્યું
મધ્યાહન ભોજનનું મેનુ નક્કી કરવા માટે રાજ્યને 5 ઝોનમાં વહેંચવામાં આવ્યું છે. જેમાં સૌરાષ્ટ્ર, કચ્છ, ઉત્તર ગુજરાત, મધ્ય ગુજરાત અને દક્ષિણ ગુજરાતનો સમાવેશ થાય છે. આ સમિતિ રાજ્ય સરકારને અનાજનો જથ્થા અને ન્યૂટ્રિશિયન વેલ્યૂ સહિતના પાસાઓને ધ્યાનમાં રાખી મેનુ અંગે ભલામણ કરશે.