હવે રણોત્સવનો મોહ ઓસરી રહ્યો છે, એક વર્ષમાં 50 ટકા પ્રવાસીઓ ઘટ્યા

ગાંધીનગરઃ કચ્છ રણોત્સવમાં દર વર્ષે લાખો દેશ વિદેશના પ્રવાસીઓ આવે છે. ટીવી ચેનલમાં કચ્છ નહીં દેખાતો કુછ નહીં દેખા જેવી જાહેરાતો આવે છે. પરંતુ હવે કચ્છ રણોત્સવનો મોહ હોવી ઓસરી રહ્યો હોવાની પ્રતીતિ રાજ્ય સરકારના આંકડાઓ દર્શાવી રહ્યા છે.દર વર્ષે આવતા વિદેશી પ્રવસીઓની સંખ્યામાં 50 ટકાનો ઘટાડો  થયો છે. જ્યારે સ્થાનીક પ્રવાસીમાં સવાલખ પ્રવાસી ઘટ્યા છે તેની સાથે 80 લાખ જેટલો આવકનો પણ ઘટાડો થયો છે.
વિધાનસભામાં જાહેર કરાયેલા આંકડા મુજબ કચ્છ રણોત્સવમાં  2018માં 8186 વિદેશી પ્રવાસીઓ આવ્યા જે ઘટીને 2019માં 4457 થઈ ગયા છે. જ્યારે સ્થાનિક પ્રવાસીઓ 2018માં 5,08,358 આવ્યા હતા. જે 2019માં ઘટીને 4,33,668 થઈ ગયા છે.  કચ્છ રણોત્સવમાં 2018ની આવક 2,90,76,525 હતી જે 2019માં ઘટીને 2,10,63,850 થઈ ગઈ છે.