રિઝલ્ટ / UPSC મેઇન્સ આપનારા સ્પીપાના 131માંથી 41 ઉમેદવારો ક્વોલિફાય

સ્પીપાની ફાઇલ તસવીર.
સ્પીપાની ફાઇલ તસવીર.

  • મેઇન એક્ઝામ પાસ કરનારા ઉમેદવારોના ઇન્ટરવ્યૂ ફેબ્રુઆરીમાં લેવાશે

Divyabhaskar.com

Jan 16, 2020, 02:07 AM IST
અમદાવાદ: યુનિયન પબ્લિક સર્વિસ કમિશન (યુપીએસસી)ની આઈએસ, આઈપીએસ, આઈએફએસ સહિતની 25થી વધુ સર્વિસ માટેની મેઇન્સ એક્ઝામિનેશન સ્પીપાના 41 ઉમેદવારોએ ક્લીયર કરી છે. ગત સપ્ટેમ્બરમાં લેવાયેલી મેઇન એક્ઝામિનેશન સ્પીપાના 131 ઉમેદવારોએ આપી હતી, જે પૈકી 41 ઉમેદવારોએ મેઈન્સ એક્ઝામ ક્લિયર કરી છે. મેઇન્સ ક્લિયર કરનારા ઉમેદવારોના ઇન્ટરવ્યૂ ફેબ્રુઆરીથી લગભગ બે મહિના માટે યોજવામાં આવશે.
યુપીએસસીની આઈએએસ, આઈપીએસ, આઈએફએસ સહિત 896 જગ્યાઓ માટેની પ્રીલિમનરી એક્ઝામિનેશન દેશભરમાંથી આશરે ત્રણ લાખ ઉમેદવારોએ આપી હતી, જેમાંથી યુપીએસસી દ્વારા મુખ્ય પરીક્ષા માટે દેશ ભરમાંથી કુલ 11,845 ઉમેદવારો પસંદ થયા હતા, જે પૈકી અમદાવાદની સ્પીપાના ચાલુ બેચના અને જૂની બેચના મળીને કુલ 131 ઉમેદવારો મેઇન્સ એક્ઝામિનેશન એટલે કે મુખ્ય પરીક્ષા માટે પસંદગી પામ્યા છે.
વર્ષ પ્રમાણે ખાલી જગ્યા માટે ભરતી
વર્ષ જગ્યા
2015-16 1129
2016-17 1079
2017-18 980
2018-19 780
2019-20 896

છેલ્લાં 5 વર્ષમાં UPSCમાં પાસ થયેલા ઉમેદવારો

વર્ષ પ્રીલિમ પાસ મેઇન દેશના પાસ સ્પીપાના પાસ
2015-16 366 15008 150 3031 50
2016-17 382 15445 144 2961 32
2017-18 421 13366 133 2568 43
2018-19 400 10468 132 1994 42
2019-20 429 11845 131 2304 41

મેઇન્સ ક્લિયર કરનારા ઉમેદવારોની સંખ્યા વધી
સ્પીપાના ડિરેક્ટર જનરલ કૌશિક ભીમજિયાણીએ જણાવ્યું હતું કે, કેટલાંક વર્ષો પહેલાં મેડિકલ,એન્જિનિયરિંગની પરીક્ષા ક્લિયર કરવા માટે ગુજરાતના યુવાનો રસ દાખવતા હતા, પરંતુ છેલ્લા કેટલાક વર્ષોમાં ગુજરાતના યુવાનોમાં યુપીએસસી આપવા બાબતે જાગૃત્તિ આવી છે. વળી સરકારે સ્થાપેલી સ્પીપા થકી સ્ટડી મટીરિયલ, ગ્રૂપ ડિસ્ક્શન, કોચિંગનું માર્ગદર્શન આપવામાં આવતા ઉમેદવારોએ યુપીએસસીની પરીક્ષાઓમાં જવલંત સફળતા પ્રાપ્ત કરી રહ્યા છે. યુપીએસસી આપનારા-ક્લિયર કરનારા ઉમેદવારોની સંખ્યામાં નોંધપાત્ર વધારો જોવા મળી રહ્યો છે.

X
સ્પીપાની ફાઇલ તસવીર.સ્પીપાની ફાઇલ તસવીર.
COMMENT

Next Stories

    ની  સંપૂર્ણ વાંચનસામગ્રી