રાજ્ય પોલીસ વડાના હસ્તે 110 પોલીસ અધિકારીઓ, કર્મચારીઓને DGP પ્રશંસા મેડલ એનાયત થશે

ગાંધીનગર: ગુજરાતના પોલીસ વડા શિવાનંદ ઝા અને ગુજરાત રાજ્યના સંનિષ્ઠ પ્રયાસોના પરિણામે ગુજરાત પોલીસના તમામ સંવર્ગના પોલીસ અધિકારીઓને (IPS થી પોલીસ કોન્સ્ટેબલ) તેઓની સરાહનીય, પ્રશંસનીય કામગીરી બદલ DGP ' s Commendation Disc (ડી.જી.પી. પ્રશંસા મેડલ) એનાયત કરવામાં આવશે. 
નિયત કરેલ માપદંડ આધારે શહેર, જિલ્લા , એ . ટી . એસ . , કોસ્ટલ સીકયુરીટી , સી . આઇ . ડી . આઇ . બી . , સી . આઇ . ડી . ક્રાઇમ અને રેલ્વેઝ , હથિયારી એકમો , ટેકનિકલ સર્વીસ અને એસ . સી . આર . બી . , તાલીમ વિભાગ , એસ . ટી . બી . વિભાગના મળી કુલ - 110 યોગ્યતા ધરાવતા તમામ સંવર્ગના પોલીસ અધિકારીઓને DGP ' s Commendation Dise એનાયત કરવામાં આવશે.
નોટીફીકેશન મુજબ તમામ વિભાગ તરફથી વિગતવારની દરખાસ્ત તૈયાર કરી આગામી 23 માર્ચ સુધીમાં પોલીસ મહાનિદેશક અને મુખ્ય પોલીસ અધિકારીની કચેરી ખાતે મોકલી આપવાની રહેશે, જે પૈકી નિયત કરેલ કમિટિ નક્કી કરેલ માપદંડ મુજબ યોગ્યતા ધરાવતા પોલીસ અધિકારીઓને પ્રથમવાર માટે એપ્રિલ-2020માં DSP શિવાનંદ ઝાના હસ્તે આ મેડલ  એનાયત કરવામાં આવશે. અત્રે ઉલ્લેખનીય છે  ડી.જી.પી. પ્રશંસા મેડલ એનાયત કરનાર સમગ્ર દેશમાં ગુજરાત સાતમું રાજ્ય બનશે .