કોરોના રસી:સાયનહોસ્પિટલ માં ટૂંક સમયમાં કોવેક્સિનનો અંતિમ ટેસ્ટ થશે

ભારતમાં પણ કોરોના રસીની માનવી ટેસ્ટ અંતિમ તબક્કામાં પહોંચી છે. સાયન હોસ્પિટલમાં ટૂંક સમયમાં એની ટેસ્ટ શરૂ થશે. ભાર બાયોટેક કંપનીએ કોવેક્સિન રસી બનાવી છે. એનો ત્રીજો અને અંતિમ તબક્કો સાયન હોસ્પિટલમાં શરૂ થશે. એના માટે રાજ્ય સરકારની એથિક્સ કમિટીએ પરવાનગી આપી છે. કોવેક્સિનની ત્રીજી અને અંતિમ ટેસ્ટમાં 1000 સ્વયંસેવકોને આ રસી આપવામાં આવશે. સ્વયંસેવક તરીકે અત્યાર સુધી 300 જણે નોંધણી કરાવી છે. ટેસ્ટ સફળ થયા પછી આ રસી ભારત બાયોટેક દેશની બજારોમાં લાવશે.દરમિયાન સાયન હોસ્પિટલમાં કોરોનાની કોવેક્સિન રસીની ટેસ્ટ સફળ થયા પછી સૌ પ્રથમ હોસ્પિટલના કોરોનાયોદ્ધાઓને આપવામાં આવશે.

એ પછી આ રસી બજારમાં ઉપલબ્ધ થશે એવી માહિતી સાયન હોસ્પિટલના ડીન ડો. મોહન જોશીએ આપી હતી. જેજે હોસ્પિટલમાં ટેસ્ટની શરૂઆત : ભારત બાયટેકની કોવેક્સિન રસીનું અંતિમ પરીક્ષણ રાજ્ય સરકારની જે. જે. હોસ્પિટલમાં શરૂ થઈ ગયું છે. આઈસીએમઆરના નિયમ અનુસાર દરેક સેંટરમાં ઓછામાં ઓછા 1000 સ્વયંસેવકોને આ રસી આપવામાં આવશે.