હિલચાલ:રાજ્યસભાની ચૂંટણીમાં છઠ્ઠી બેઠકનું ભાવિ અન્ય પક્ષના 39 મત નક્કી કરશે

રાજ્યસભામાં રાજ્યના વિધાનસભ્ય સભ્યોમાંથી મોકલવાની 6 ઉમેદવાર માટે રાજકીય વર્તુળમાં જોરદાર હિલચાલ શરૂ થઈ છે. ખાસ કરીને છઠ્ઠા ઉમેદવાર માટે ભાજપ અને મહાવિકાસ આઘાડી બંને વચ્ચે 42 વધારાના મત નથી. આને કારણે છઠ્ઠી બેઠકનું ભવિષ્ય 13 અપક્ષ અને નાના પક્ષોના 16 વિધાનસભ્યોના હાથોમાં છે.

વિધાનસભામાંથી ચૂંટી આપવાના રાજ્યસભાના ઉમેદવારની ચૂંટણી આજ સુધી બિનવિરોધ થઈ છે. આથી 10 જૂને થનારી ચૂંટણી બિનવિરોધ થઈ શકે છે. છઠ્ઠી બેઠકના ઉમેદવાર તરીકે મહાવિકાસ આઘાડી દ્વારા ગુલામ નબી આઝાદ અને અવિનાશ પાંડેનાં નામ ચર્ચામાં છે. કોંગ્રેસ આઘાડીના નિર્ણયની બહાર નહીં જાય. શિવસેના પાસે 55 મત છે. પ્રથમ બેઠક માટે શિવસેનાના સંજય રાઉતને ઉમેદવારી આપવામાં આવશે.

બીજી બેઠક માટે છત્રપતિ સંભાજી રાજેના નામની પસંદગી કરાઈ છે. જોકે તે માટે સંભાજી છત્રપતિએ શિવબંધન હાથમાં બાંધવું એવી ઉદ્ધવ ઠાકરેને પૂર્વશરત છે. આ ચૂંટણીમાં પક્ષ વ્હીપ જારી કરે છે અને વ્હીપને બતાવીને મતદાન કરવાનું હોય છે. આથી મત ફૂટી શકતા નથી. આવા સમયે 13 અપક્ષના મતોની કિંમત મોટી રહેશે.11 નાના પક્ષો પાસે 16 મત છે. તેમાંથી ક્રાંતિકારી શેતકરી પક્ષ, પ્રહાર, બવિઆ, સ્વાભિમાની મહાવિકાસ આઘાડી સાથે છે. અપક્ષ અને નાના પક્ષ આજ સુધી રાજ્યમાં સત્તાધારી પક્ષો સાથે રહ્યા છે. ગુરુવારે સાંજે સંભાજી છત્રપતિએ શિવસેના પક્ષ પ્રમુખ ઉદ્ધવ ઠાકરેની મુલાકાત લીધી હતી. તે સમયે ઉદ્ધવે સંભાજી છત્રપતિ સામે રાજ્યસભામાં જવા માટે શિવબંધન બાંધવાની શરત રાખી હોવાનું કહેવાય છે.

વિધાનસભામાં પક્ષીય બળાબળ
કોંગ્રેસના 44, રાષ્ટ્રવાદી 53, શિવસેનાના 55, ભાજપના 107 અને અપક્ષના 13 વિધાનસભ્ય છે. અડસુળ, આઢળરાવ, ગીતે એમ શિવસેનાના 3 વરિષ્ઠ નેતા દિલ્હીમાં નથી. બીજો ઉમેદવાર પણ શિવસૈનિક હશે એમ પરિવહન મંત્રી અનિલ પરબે જણાવ્યું હતું. આથી કટ્ટર શિવસૈનિક તરીકે ઔરંગાબાદના ચંદ્રકાંત ખૈરાનું નામ છઠ્ઠી બેઠક માટે આગળ આવી રહ્યું છે. રાષ્ટ્રવાદી કોંગ્રેસ બીજી બેઠક માટે શિવસેનાના પાછળ છે, કારણ કે ગયા વખતે ફૌજિયા ખાનને શિવસેનાએ મદદ કરી હતી.

જીતવા માટે ક્વોટા
વિધાનસભામાં 288 સભ્ય છે. આમાંથી શિવસેનાના એક સભ્યનું નિધન થયું છે. રાજ્યસભામાં સભ્યને જીતવા માટે 42 મત આવશ્યક હોય છે. પ્રથમ બાદબાકી મત બાજુમાં કાઢવામાં આવે છે. આથી ક્વોટા ફરીથી ઓછો થઈ શકે છે. કુલ મતદાર ભાગ્યા રાજ્યસભા પર મોકલવાની કુલ બેઠક વત્તા 1 બરાબર જીતવા માટે મતનો ક્વોટાઃ 287 ભાગ્યા 6 + 1 = 42.