ધરપકડ:પુણેમાં ડેટિંગ એપ દ્વારા સોળ યુવકોે પ્રેમમાં ફસાઈને લૂંટાયા

પુણેમાં રહેતી 27 વર્ષની યુવતીએ ડેટિંગ એપ દ્વારા 16 યુવકોને પ્રેમની જાળમાં ખેંચીને લુટ્યા હતા. મોંઘવારીના સમયમાં યુવતીનો નોકરી જતી રહી હતી, પિતાનું દસ વર્ષ પહેલાં નિધન થયું હતું, ઘરે બીમાર માતા હોવાથી રૂપિયા માટે આ યુવતીએ ખોટો માર્ગ સ્વીકાર્યો હતો. યુવકોને પ્રેમમાં ફસાવી લુટનારી આ યુવતીને પિંપરી-ચિંચવડ પોલીસે ધરપકડ કરી હતી. ગયા અઠવાડિયે ચેન્નઈના યુવક આશિષકુમારે પોલીસમાં ફરિયાદ નોંધાવી હતી. આરોપી યુવતીએ ડેટિંગ એપ દ્વારા આશિષ સાથે ઓળખાણ કરીને એને પુણે બોલાવ્યો હતો.

આશિષ પુણે આવ્યો ત્યારે એને એક હોટેલમાં લઈ ગઈ અને ઠંડા પીણાં બેહોશીની દવા ભેળવીને પીવડાવ્યું. એ પછી આશિષે પહેરેલા દાગીના અને રોકડ રકમ લુટ્યા હતા. ગુના શાખા યુનિટ-4ના અધિકારીઓએ એની ધરપકડ કરી હતી. પોલીસે સખતાઈથી પૂછપરછ કરતા એણે 16 યુવકોને કેવી રીતે પ્રેમની જાળમાં ખેંચ્યા એની માહિતી આપી હતી. જે યુવકોને આ યુવતીએ લુટ્યા છે તે યુવકોએ આગળ આવીને પોલીસ ફરિયાદ કરવી એવી હાકલ પોલીસે કરી હતી.