રાજકારણ:ED કાર્યાલયની બહાર શિવસેનાએ ભાજપનું બેનર લગાવ્યું

એન્ફોર્સમેન્ટ ડિરેક્ટોરેટ (ઈડી) દ્વારા શિવસેનાના સાંસદ સંજય રાઉતને ઈડીની નોટિસ આપ્યા પછી મુંબઈમાં રાજકારણ ગરમાયું છે. બંને પક્ષે ઉગ્ર વિરોધ થઈ રહ્યો છે ત્યારે શિવસેનાના કાર્યકરોએ સોમવારે તળ મુંબઈમાં બેલાર્ડ એસ્ટેટ ખાતે ઈડીના કાર્યાલયને ભાજપનું પ્રદેશ કાર્યાલય ઘોષિત કરતું બેનર લગાવ્યું હતું. મજાની વાત એ છે કે પોલીસ આ બેનર હટાવવા માટે ગયા ત્યારે શિવસેનાના કાર્યકરોએ તેમને રોક્યા હતા. કાયદેસર રીતે પોલીસ આ બેનર હટાવી નહીં શકે. તમે મહાપાલિકાને ફરિયાદ કરો, જે પછી બેનર હટાવવાનું કામ કરશે એમ શિવસૈનિકોએ પોલીસને જણાવ્યું હતું.