માણસાઈ:રેલવે પોલીસે ગરીબ શ્રમિકના અંતિમસંસ્કાર કર્યા

રેલવે પોલીસે માણસાઈના દર્શન કરાવીને સમાજમાં દાખલો બેસાડ્યો છે. કામની શોધમાં સેંકડો માઈલ દૂર આવેલા સુરેશ સિંઘના કુંટુબીઓને ખાખી વરદીનો મોટો ટેકો મળ્યો છે. રેલવે અકસ્માતમાં સુરેશનું મૃત્યુ થયું. એના ગરીબ કુટુંબને અંતિમસંસ્કાર માટે રેલવે પોલીસે પોતે આર્થિક મદદ કરી. પોલીસના આ કામને લીધે સ્વયંસેવી સંસ્થાઓ પણ કુટુંબની મદદ માટે આગળ આવી છે. સીવૂડ-દારાવેથી નેરુળ દરમિયાન પાટા નજીક અજ્ઞાત મૃતદેહ રેલવે પોલીસને મળ્યો હતો. આ મૃતદેહના ગજવામાં રહેલા આધારકાર્ડ પરથી પનવેલ ખાતે રહેતા મંજુલા સિંઘ સાથે સંપર્ક થયો. મંજુલાએ આ મૃતદેહ એના પતિનો હોવાનું જણાવ્યું. સિંઘ કુટુંબ પર રૂ. 3000ના વીજ બિલ સહિત કુલ રૂ. 18,000નું દેવું હતું. એવામાં લોકડાઉન લાગુ થતા નોકરી ગુમાવી.