તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ટેંડર રજૂ:એમએમઆરડીએ હાઈવે પર ખાડાઓ પૂરવા માટે ૪.૮૪ કરોડ ખર્ચ કરશે

મુંબઈએક વર્ષ પહેલા
  • કૉપી લિંક
  • એક્સપ્રેસ હાઈવેના ખાડાઓ પૂરવા માટે ટેંડર મગાવાયાં

મોનસૂન શરૂ થવાને થોડા દિવસ જ બાકી છે ત્યારે ઈસ્ટર્ન અને વેસ્ટર્ન એક્સપ્રેસ હાઈવે પરના ખાડાઓ બુરવાની યોજના એમએમઆરડીએએ બનાવી છે. આ ખાડાઓ બુરવા ૪ કરોડ ૮૪ લાખ રૂપિયાનો ખર્ચ થવાનો છે. આ કામ માટે કોન્ટ્રેકટરોની નિમણુક કરવા ટેંડર મગાવાયા છે. આગામી ૧૫થી ૨૦ દિવસમાં મોનસૂન મુંબઈ આવી પહોંચશે. ઈસ્ટર્ન અને વેસ્ટર્ન એક્સપ્રેસ હાઈવેની જવાબદારીવાળા એમએમઆરડીએ ટેંડર ઓનલાઈન જાહેર કર્યા છે અને કોન્ટ્રકટરને ૩ જૂન સુધી ટેંડર રજૂ કરવાની મુદત આપી છે. તેથી ટૂંક સમયમાં કામ શરૂ થશે. 

ઈસ્ટર્ન એક્સપ્રેસ હાઈવે મુંબઈને કલ્યાણ અને નાશિક સાથે જોડે છે
ઈસ્ટર્ન એક્સપ્રેસ હાઈવે ૫ કિલોમીટર લાંબો છે. ચોમાસામાં પડતા ખાડાઓ બુરવા માટે સંપૂર્ણ હાઈવેને પાંચ ભાગમાં વિભાજિત કર્યો છે. દરેક ભાગમાં સાડા ચારથી પાંચ કિલોમીટરનો રસ્તો રાખવામાં આવ્યો છે. દરેક ભાગ માટે ૭૯થી ૯૧ લાખ રૂપિયાનો ખર્ચ કરવામાં આવશે. એમએમઆરડીએને સાયનથી થાણે સુધીના ભાગની વધુ ચિંતા છે. એટલે જ ૪ કરોડ ૮૪ લાખ રૂપિયામાંથી ૪ કરોડ ૨૪ લાખ ૨૧ હજાર ૨૬૫ રૂપિયા ઈસ્ટર્ન એક્સપ્રેસ હાઈવેના ખાડાઓ બુરવા ખર્ચ કરવામાં આવશે. વેસ્ટર્ન એક્સપ્રેસ હાઈવે માટે ફક્ત ૬૦ લાખ ૪૪ હજાર ૪૫૩ રૂપિયાનો ખર્ચ કરવામાં આવશે. ઈસ્ટર્ન અને વેસ્ટર્ન એક્સપ્રેસ હાઈવે મુંબઈના બે મુખ્ય હાઈવે છે. વેસ્ટર્ન એક્સપ્રેસ હાઈવે મુંબઈને ગુજરાત અને રાજસ્થાન સાથે જોડે છે. ઈસ્ટર્ન એક્સપ્રેસ હાઈવે મુંબઈને કલ્યાણ અને નાશિક સાથે જોડે છે.

અન્ય સમાચારો પણ છે...