28 લાખની છેતરપિંડી:કેન્ટીનનો ઠેકો અપાવવાને નામે DYSP સાથે લાખોની ઠગાઈ

કેન્ટીનમાં કોન્ટ્રાક્ટ અપનાવવાને નામે નિવૃત્ત ડીવાયએસપી સાથે રૂ. 28 લાખની છેતરપિંડી કરવા સંબંધે થાણેમાં ચિતલસર પોલીસે દંપતી સહિત ત્રણ જણ સામે ગુનો દાખલ કર્યો છે. થાણેના અંબરનાથ ખાતે ઓર્ડનન્સ ફેક્ટરીમાં ફૂડ ચલાવવાનો ઠેકો અપાવવાને નામે ત્રણ જણે ત્રણ વર્ષમાં નિવૃત્ત અધિકારી પાસેથી પૈસા લીધા હતા, પરંતુ ઠેકો અપાવ્યો નહોતો.

આરોપીઓમાં રોહિત શેટ્ટી, ભગવાન રામદાસ પવાર અને તેની પત્ની પલ્લવી પવારનો સમાવેશ થાય છે. વળી આ જ આરોપીઓએ અન્ય બે જણ સાથે મળીને કાસારવડવલીમાં એક એનઆરઆઈ હોટેલિયરને પણ આ જ ઠેકો અપાવવાને નામે રૂ. 32 લાખ લીધા હોવાનો કેસ દાખલ છે.