દુર્ઘટના:ગોરેગાવ ખાતે સ્ટુડિયોમાં સેટ પર આગ લાગી

ગોરેગાવમાં અભિનેતા સૈફ અલી ખાન અને પ્રભાસ અભિનિત આદિપુરુષના ફિલ્મના સેટ પર મંગળવારે બપોરે આગ ફાટી નીકળી હતી. આઠ બંબાઓની મદદથી ભારે જહેમતને અંતે આગને કાબૂમાં લેવામાં આવી હતી. સદનસીબે કોઈને ઈજા પહોંચી નહોતી, પરંતુ આગમાં સેટ ભસ્મીભૂત થઈ ગયો હતો.ગોરેગાવ વેસ્ટમાં બાંગુર નગર સ્પોર્ટસ કોમ્પ્લેકસ નજીક ગર્ગ સ્ટુડિયોમાં આ આગ ફાટી નીક‌ળી હતી. ફિલ્મના ક્રોમા શૂટ માચે મુંબઈમાં સેટ ઊભો કરવામાં આવ્યો હતો.

અભિનેતા સૂર્યા પર એક દશ્યનું ફિલ્માંકન કરવામાં આવી રહ્યું હતું ત્યારે અચાનક આગ ફાટી નીકળી હતી. આગની માહિતી મળતાં જ સેટ પરથી 50થી 60 કલાકારો અને ક્રુને સુરક્ષિત રીતે બહાર કાઢવામાં આવ્યા હતા. આથી મોટી હાનિ ટળી હતી. ઓમ રાઉતની બિગ બજેટ ફિલ્મ આદિપુરુષમાં સૈફ અલી ખાન અને પ્રભાસ છે.આગને લીધે ધુમાડાના ગોટેગોટા વાતાવરણમાં ફરી વળ્યા હતા, જ દૂર દૂરથી દેખાતા હતા. સદનસીબે કોઈને ઈજા પહોંચી નહોતી.