રાજકારણમાં ગરમાવો:ડોલવણની ગડત બેઠક પર ભાજપીને કોંગ્રેસે ટિકિટ ફાળવણી કરતાં ગરમાટો

તાપી જિલ્લાના ડોલવણ તાલુકાના ગડત જિલ્લા પંચાયતની બેઠક પર મૂળ ભાજપીને કોંગ્રેસે ટિકિટ ફાળવણી કરતાં ગરમાટો આવી ગયો છે, જયારે ભાજપના બક્ષીપંચ મોરચાના મહામંત્રી હેમંતભાઈ પટેલે કોંગ્રેસનો હાથ ઝાલ્યો છે. ડોલવણ તાલુકાની અગત્યની બેઠક ગડત બેઠક પરથી કોગેસે ભાજપમાંથી આવેલા રાજુભાઈ ગમનભાઈ ગામીતને ટીકીટ આપતા ડોલવણ પંથકમાં ભારે ચહલપહલ જોવા મળી છે. મળતી માહિતી મુજબ ડોલવણ તાલુકાની ગડત બેઠક પરથી ભાજપમાંથી રાજુભાઈ ગમનભાઈએ ટીકીટ માંગી હતી, પરંતુ આ બેઠક પરથી ભાજપે રૂષિ ભાઈ ગામીતને ટીકીટ આપતા નારાજ થયેલા રાજુભાઈ ગમનભાઈએ કોંગ્રેસની કંઠી પહેરતા કોંગ્રેસમાં પ્રવેશ કર્યો હતો અને તક ઝડપી લઈને કોંગ્રેસ માસ્ટર સ્ટ્રોક માર્યો હતો. ભાજપ સંગઠનના હોદ્દેદારો એ એક સમયે સાથે કામ કરતા સંગઠનના હોદ્દેદારોએ એકબીજાની સામે જ પ્રતિસ્પર્ધી બનતા ડોલવણના રાજકારણમાં ગરમાવો આવી ગયો છે.

ડોલવણના ભાજપ સંગઠનના સક્રીયકાયૅકર તાપી જિલ્લા બક્ષીપંચ મોરચાના મહામંત્રી હેમંતભાઈ પટેલે નારાજ થઈ કોંગ્રેસની કંઠી બાંધી લેતા આ પંથકમાં ભાજપના રાજકારણમાં ગરમાવો આવી ગયો છે.ભાજપ સામે ભાજપનો પુવૅકાયૅકર સામે આવતાં પંથકમાં ચહલપહલ મચી ગઇ છે.