કાર્યવાહી:સરવાળા ગામે 40 લાખના દારૂ પર બુલડોઝર ફેરવાયું

તાપી જિલ્લાના નિઝર ઉચ્છલ પોલીસ સ્ટેશન ખાતે અલગ- અલગ ગુનામા પકડાયેલા પ્રોહી મુદ્દામાલનો સરવાળા ગામે શનિવારે નાશ કરવામાં આવ્યો હતો. નિઝરના 2018થી 2020 સુધીનો કુલ 39,76,590 રૂપિયાના મુદ્દામાલનો નાશ કરવામાં આવ્યો હતો. તેમજ ઉચ્છલ તાલુકામાં અલગ- અલગ ગુનામા પકડાયેલા પ્રોહી મુદ્દામાલ 2018થી 2020 સુધી રૂપિયા 19,37,623 નો મુદ્દામાલ નાશ કરવામાં આવ્યો હતો.

જેમાં નિઝર પોલીસમાં પકડાયેલ પ્રોહી મુદ્દામાલમાં 11,979 અને ઉચ્છલ પોલીસમાં પકડાયેલ પ્રોહી મુદ્દામાલમાં 1155 બાટલી ઉપર બુલડોઝર ફેરવી નાશ કરાયો હતો. આ વેળા પ્રાંત અધિકારી, એસ. ડી.પી.ઓ., ડીવાયએસપી તાપીના આર.એલ.માવાણી તથા આબકારી અધિક્ષક અને નિઝર, ઉચ્છલ પી.એસ.આઈ તથા પોલીસ હાજર રહ્યા હતા.