દુખદ:બાઈક ઝાડ સાથે અથડાતાં ચાલકનું મોત નીપજ્યુ

વ્યારા તાલુકાનાં ડોલારા ગામે ડુંગરી ફળિયામાં રહેતાં રાજેશભાઈ મનાભાઇ ગામીત( 35) નાઓ રવિવારે પોતાની બાઈક નંબર (GJ-26Q. 1633) લઇ ને અંગત કામે વ્યારા તાલુકાના બાલપુર ગામે ગયાં હતા. તેઓ સાંજે 7:30 કલાકના અરસામાં બાઈક પર ઘરે પરત થઇ રહ્યાં હતા. ત્યારે બાલપુર રોડ પર આવેલ કપડવણ ગામે જી.ઈ.બી.સબ સ્ટેશનની સામે રાજેશ ગામીતે સ્ટેરીંગ પરથી કાબુ ગુમાવ્યો હતો, અને રોડની સાઇડ વૃક્ષમાં બાઈક અથડાઇ હતી. જેના કારણે તેઓ જમીન પર પટકાતાં માથેના ભાગે ગંભીર ઇજા થઈ હતી. જેમાં તેમનું ઘટના સ્થળ પર જ મોત નીપજ્યું હતું. આ બનાવ અંગે સરજીભાઈ ગામીતે ફરિયાદ કરી હતી.