જાહેરનામું:તાપી જિલ્લામાં ગરીબ વિકાસ સંસ્થાથી સાવધાન રહેવા સૂચના અપાઈ

મધ્યપ્રદેશ સરકાર દ્વારા જનહિત બેંક સંબંધમાં ગુજરાત સરકારને પણ જરૂરી તકેદારીના પગલા લેવા જણાવાયું છે, જે અંતર્ગત તાપી જિલ્લાના નાગરિકોને ગેરકાયદે ચાલતી ગરીબ વિકાસ સંસ્થા (જનહિત બેન્ક)થી સાવધાન કરતું જાહેરનામું પડયું હતું.વિવિધ રાજ્યમાં ગરીબ વિકાસ સંસ્થા દ્વારા જનહિત બેંકના નામે નાણાંકીય વ્યવહારો કરવામાં આવેલ હોવાનું ધ્યાને આવ્યું છે તથા આ સંસ્થા દ્વારા રિઝર્વ બેંક ઓફ ઇન્ડિયા પાસેથી નાણાંકીય વ્યવહારો કરવા માટે કોઈ પણ બેંકિંગ લાયસન્સ મેળવેલ નથી.

તેમજ આર.બી.આઈ. પાસેથી આ સંસ્થાને બેંકિંગની કામગીરી માટેનું કોઈ પણ લાયસન્સ આપવાનું બાકીમાં નથી તથા આ સંસ્થા કે બેંકને કોઈ પણ પ્રકારે માન્યતા આપવામાં આવેલ નથી. મધ્યપ્રદેશ સરકાર દ્વારા જનહિત બેંક સંબંધમાં ગુજરાત સરકારને પણ જરૂરી તકેદારીના પગલા લેવા જણાવાયું છે.