આવેદન:જિલ્લા કોંગ્રેસે ખેડૂત વિરોધી કાયદા અંગે માંડવી પ્રાંતને આવેદન આપ્યું, ત્રણ કાયદા ખેડૂતોના હિતમાં ન હોવાથી તેને રદ કરવા જણાવાયું

ભારતીય રાષ્ટ્રીય કોંગ્રેસ (આઇ.એન.સી.) દ્વારા દેશના રાષ્ટ્રપતિ રામનાથ કોવિંદને આવેદનપત્ર સુપરત કરી કેન્દ્ર સરકાર દ્વારા પસાર કરવામાં આવેલા કૃષિ સંબંધિત 3 કાયદા રદ કરવા અનુરોધ કર્યો હતો. તે સંદર્ભે સુરત જિલ્લા કોંગ્રેસ સમિતિ દ્વારા માંડવી પ્રાંત અધિકારીને સરકારના કૃષિ સંબંધિત 3 કાયદા ખેડૂતોના હિતમાં ન હોવાથી તેને રદ કરવાનું જણાવતું આવેદન અપાયું હતું.આવેદનપત્રમાં જણાવ્યું હતું કે સૌપ્રથમ તો અનાજ અને શાકભાજી બજાર અર્થાત ખેતીવાડી ઉત્પાદન બજાર સમિતિ (એ.પી.એમ.સી.) નાબૂદ કરવાથી કૃષિ પેદાશ ખરીદી વ્યવસ્થા સંપૂર્ણપણે ખતમ થશે.