વાછરડાનો શિકાર:વ્યારાના માયપુરમાં દીપડાએ વાછરડાનો શિકાર કર્યો

વ્યારા પંથક દીપડાનું અભ્યારણ ગણાય છે. હાલ શેરડી કાપણી પૂરજોશમાં ચાલુ છે એટલે શેરડીના ખેતરમાં વસવાટ કરતા દીપડાઓ નગરોમાં અને રહેણાંક વિસ્તાર તરફ નજરે પડી રહ્યા છે. વ્યારા તાલુકામાં રાત્રિના સમયે દીપડા આંટાફેરા મારી રહ્યા હોવાનું અને કેટલાય અબોલ જીવોનો શિકાર કર્યા હોવાના બનાવો બન્યા છે.

ગતરાત્રિના સમયે માયપુર મુકામે સેવાભાઈ કોટલાભાઈ ચૌધરીની રહે છે અને પશુપાલનનું કામકાજ કરે છે તેમના કોઢારમાં દીપડાએ બે વર્ષની વાછરડીનો શિકાર કરી ફાડી ખાઈ ગયો હતો, આ અંગેની જાણ વ્યારાના WCCBના અબરાર મુલતાની એ વનવિભાગ વ્યારાના અધિકારીઓને કરી હતી તથા પાંજરું મુકવાની તજવીજ હાથ ધરી છે. દીપડાએ વાછરડાનો શિકાર કરતા ભયનું વાતાવરણ ઉભુ થયું છે.