ધરપકડ:ટીચકપુરા બાયપાસ હાઈવે પર દારૂ સાથે 2 ઈસમો ઝડપાયા

વ્યારા પોલીસે વાહન ચેકિંગ દરમિયાન ટીચકપુરા ગામની સીમમાં સેન્ટ્રો ગાડી માં ચોર ખાનામાં 34000 નો દારૂ ભરી ને લઈ જતા બે ખેપિયાઓ ને પોલીસે અટક કરી છે.પોલીસે કુલ 1.13 લાખનો મુદ્દામાલ કબ્જે લીધો હતો. સોનગઢ-સુરત હાઈવે ઉપર ટીચકપુરા બાયપાસ પાસે વ્યારા પોલીસ સ્ટાફ હાઈવે પર પસાર થતા વાહન ચેકિંગ કરતા હતા. તે સમય દરમિયાન ત્યાંથી પસાર થતી સેન્ટ્રો કાર નંબર જીજે/05/સીએફ/7336ને અટકાવી ને તપાસ કરાતા કાર માંથી 34,500/- રૂપિયાનો દારૂનો જથ્થો મળી આવ્યો હતો.

સાથે બે વ્યક્તિઓ ની અટક હતી.પોલીસે 34,500/-નો દારૂનો જથ્થો તથા કાર અને મોબઈલ મળી કુલ રૂપિયા 1,13,500/-નો મુદ્દામાલ કબ્જે કરી કાર ચાલક લક્ષ્મીકાંત બાબુરાવ આહિર(રહે.પરવત પાટીયા,સુરત)ને પાસ પરમીટ વગર દારૂનું વહન કરતા હોવાથી તેમને અને તેમનો સાથી સુરજ રાજેન્દ્ર મિસ્ત્રીની અટક કરી, ગુનો દાખલ કરી તપાસ વ્યારા પીઆઇ રાકેશ પટેલ એ હાથ ધરી હતી.