ધરપકડ:ત્રણ બાઈક ચોરેલા આરોપીને ઊના પોલીસે ઝડપી પાડ્યો

ગડુ ગામનો શખ્સ છેલ્લા દોઢ વર્ષમાં જુદા-જુદા ગામો માંથી ત્રણ બાઇક ચોરી અન્ય ગામોમાં છુપાવેલ હોવાની બાતમી આધારે ઊના પોલીસે શખ્સને ઊના માંથી ઝડપી પાડી ધોરણસરની કાર્યવાહી હાથ ધરી છે. પ્રાપ્ત વિગત મુજબ આરોપી સતાર ગફાર કાતીયાર રહે. ગડુ શાંતિનગર ઝુપડપટ્ટી તા.ચોરવાડ છેલ્લા દોઢ વર્ષમાં 3 બાઇક ચોરી કરી અન્ય ગામોમાં સંતાડેલ હોય જેની બાતમીના આધારે ઊના પીઆઇ વી.એમ. ચોધરીની સુચનાથી પો.હે.કો.પી.પી. બાંભણીયા, ધર્મેન્દ્રસિંહ હરાજભાઇ, સંદિપ તેમજ અનિલસિંહ સહીતનો સ્ટાફે ઊના મામલતદાર ઓફીસ આગળથી આ શખ્સને બાઇક સાથે ઝડપી પાડી પુછપરછ હાથ ધરતા બાઇક નં.જીજે.07 એજે 2457, જીજે.05 એફબી 1444, તેમજ જીજે. 05 એ એમ 9058 આ બાઇક ચુલડી ગામ તા.માળિયા હાટીના, ગડુ ગામની ઝુપડપટ્ટી તેમજ મહુવા ભાદ્રોડ રોડ આમ અલગ-અલગ ગામોમાંથી ચોરી કરી હોવાની કબુલાત કરી હતી. ચોરેલ બાઈક પ્રાંચી, તેમજ યાગોદ્રા ગામમાં 2 બાઇક સંતાડેલ હોય બાઇકની કિ.રૂ.28 હજારનો મુદ્દામાલ સાથે પકડી પાડ્યો છે. ઊના પોલીસે ધોરણસરની કાર્યવાહી હાથ ધરી આ અંગે તમામ પોલીસ સ્ટેશનમાં જાણ કરવામાં આવેલ છે.