દુર્ઘટના:ઊનાના નવાબંદર ગામે આગ લાગતા લોકોમાં મચી ભાગદોડ, જાનહાની ટળી

ઊનાના નવાબંદર ગામના સાંઢીયા શેરી ખાણ વિસ્તારમાં આવેલ પથ્થરની પડતર ખાણ ફરતે રહેણાંકીય મકાનો આવેલા છે. જેમાં અચાનક આગ લાગતા આસ-પાસના લોકોમાં ભાગદોડ મચી જવા પામી હતી. આ ખાણની આસપાસ અનેક લોકો વસવાટ કરે છે. જ્યારે રાત્રીના 12 કલાકે આગ લાગતાં રહેવાસીઓમાં ભાદદોડ મચી જવા પામી હતી. તથા ખાણમાં લાકડાઓ તેમજ કચરાના ઠગલા હોવાથી આગે એકાએક વિકરાળ સ્વરૂપ ધારણ કરી લેતા લોકોમાં ભાગદોડ મચી જતાં ભયનો માહોલ ફેલાયો હતો.

જેની સરપંચને જાણ કરવામાં આવતા ત્કાલીક ઘટના સ્થળ પર પહોંચી ફાઈર વિભાગને જાણ કરી હતી. જેથી ફાઈર ફાઈટર ઘટના સ્થળે પહોંટી પાણીનો મારો ચલાવી આગ પર કાબુ મેળવતા લોકોએ રાહતનો શ્વાસ લીધો હતો. પરંતુ આગે વિકરાળ રૂપ ધારણ કરતા લાકડાઓ બળીને ખાખ થયા હતા સદ્દનસીબે જાનહાની ટળી હતી.